“Heritage” Fondu iqtisadi azadlıqların durumuna görə, dünya ölkərinin durumuna dair hesabat açıqlayıb.
Azərbaycan 44-cü yerdədir, orta azad ölkə sayılır.
Azərbaycanın qonşuları irəlidədir- Ermənistan bu siyahıda 34-cü, Gürcüstan 12-ci yerdədir.
Siyahıya Sinqapur başçılıq edir. Hesabata görə, ən qeyri-azad ölkə Şimali Koreyadır.
Hesabatda deyilir ki, Azərbaycan 1996-cı ildən bəti ilk dəfədir ki, iqtisadi azadlıq balını bu qədər qaldırır: “Azərbaycan hal-hazırda “əsasən azad” kateqoriyasının astanasındadır. Amma ÜDM -in inkişafı son beş ildə olduğu kimi qalıb”.
Sənəddə deyilir ki, daha çox inkişafa nail olmaq üçün hökumət gərək hesabatlılığını artırsın, ədliyyə sistemində islahatlar aparsın: “Bütün bunlar isə əsaslı institusional dəyişikliklər və avtoritar siyasi systemin dəyişməsini tələb edir. O cümlədən, biznes və siyasi maraqların kəsişməsi aradan qaldırılmalır”.
