Sentyabrın 10-da Bakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənir.
Mülayim şimal-qərb küləyinin əsəcəyi, gündüz şimal-şərq küləyi ilə əvəz olunacağı təxmin edilir.
Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, Abşeronda gecə 19-22, gündüz 27-31, Bakıda gecə 20-22, gündüz 29-31 dərəcə isti proqnozlaşdırılır.
Azərbaycanın rayonlarında da havanın əsasən yağmursuz keçəcəyi, lakin bəzi şimal və qərb rayonlarında yağış yağacağı ehtimalı var. Gecə 17-22, gündüz 31-36, dağlarda gecə 11-16, gündüz 19-24 dərəcə isti təxmin edilir.