Britaniya şahzadəsi Harry və həyat yoldaşı Meghan kral ailəsi üzvlüyü statusundan imtina ediblər.
Onlar yaydıqları bəyanatda bildiriblər ki, öz vaxtlarını Britaniya və Şimali Amerika arasında bölmək istəyirlər.
Çütlük bəyan edib ki, kraliça qarşısında öz borclarını yerinə yetirməkdə davam etməklə, işləmək və maliyyə cəhətdən kral ailəsindən müstəqil olmaq istəyirlər.
Harry və Meghan yeni xeyriyyə təşkilatı yaradacaqlarını bəyan ediblər. Amma hələlik yeni təşkilat barədə ətraflı məlumat verilməyib.
Bukinqem sarayı bəyan edib ki, şahzadə və həyat yoldaşının istəklərini anlaşma ilə qarşılayır və bütün məsələlərin həlli vaxt tələb edir.
Şahzadə Harry və amerikalı aktrisa Meghan 2018-ci il mayın 19-da evləniblər.
Megahnın 38, Harry isə 35 yaşındadır, bir övladları var.
Megahn Brtaniya şahzadəsinə ərə gedən ilk mulat və amerikalı aktrisadır.
Anası afroamerikalı, atası isə ağ dərilidir.
Britaniyada kral ailəsi ölkənin siyasi həyatında əsas rol oynamasa da bir çox insanlar onu ölkənin rəmzi hesab edirlər.
Krallığın yerləşdiyi ərazilər isə turistlərin ən sevimli yerlərindən biridir.
Amma bu sistemi tənqid edənlər,dövlət vəsaitinin məsrəf edilməsi kimi qəbul edənlər də var.
