Keçid linkləri

Təcili xəbərlər
2020, 20 Yanvar, Bazar ertəsi, Bakı vaxtı 01:39

Liviyalı general Rusiya ilə Türkiyənin atəşkəs təklifini rədd edib


Liviyalı gereal Khalifa Haftar, 29 noyabr, 2016 Moskva

Liviyalı general Khalifa Haftar-ın rəhbərlik etdiyi Liviya milli ordusu Rusiya ilə Türkiyənin atəşkəs təklifini rədd edib.

Moskva ilə Ankara bu günlərdə yanvarın 12-də Liviyada münaqişə tərəflərinə atəşkəs elan edilməyi təklif eləmişdilər.

Liviya Milli Ordusu-nun yaydığı bəyanatda deyilir ki, onlar Rusiya prezidenti Vladimir Putinin Liviyada sabitliyə nail olmaq təşəbbüsünü alqışlayır, amma paytaxt “Tripolini tutmuş terrorçu qruplara” qarşı mübarizəni davam etdirmək firkrindədir.

Bəyanatda bildirilir ki, Liviyada sabitlik, yalnız Haftarın ordusu ilə vuruşan qüvvələrin tərksilah edilməsindən sonra mümkündür.

Liviyada beynəlxalq aləm tərəfindən tanınan milli hokumət isə istənilən etibarlı atəşkəs təklifinə baxmağa hazır olduğunu bəyan edib.

Amma hökumətin nümayəndəsi “Bloomberg” agentliyinə bildirib ki, Tripolinin müdafiə olunmaq üçün hərbi alyansa girmək hüququ var.

Qeyd edək ki, Türkiyə bundan əvvəl Tripoli hökumətinə hərbi yardım etməyə hazır olduğunu bəyan edib.

Hazırda Liviyada vətəndaş müharibəsi gedir.

General Haftar 2019-cu ildə Tripolinin mühasirəyə alındığını bəyan edib.

Kütləvi informasiya vasitələri dəfələrlə onun moskvapərəst olması barədə məlumatlar yayıblar.

Amma Rusiya hakimiyyəti bunu rəsmi şəkildə təsdiqləməyib.

Şərhlər

Günün bütün mövzuları

XS
SM
MD
LG