Keçid linkləri

Təcili xəbərlər
2019, 07 Dekabr, şənbə, Bakı vaxtı 04:55

Keçmiş prezident qızının mülkünü indiki prezidentin kürəkəninə verirlər?


Otabek Umarov (solda)

Özbəkistanın normativ-hüquqi aktlarının layihələri müzakirə olunan portalında keçmiş prezident Islam Karimovun qızı Gulnara Karimovaya məsxus malikanənin adı çəkilir.

Daşkənd vilayətinin Bostanlık rayonundakı Sijjak istirahət zonasında yerləşən bu malikanə Islam Karimovun ölümündın sonra, 2017-ci ildə müsadirə olunub.

Gulnara Karimova vergidən yayınma, mənimsəmə və ofşor şirkətlərə aid sənədlərin məhv edilməsi ittihamları ilə 10 il müddətinə azadlıqdan məhrum edilib.

Xəbər verilir ki, sözü gedən malikanə ödənişsiz olaraq Özbəkistanın triatlon – üçnövçülük federasiyasına verilməlidir.

Bu federasiyaya 2019-cu ilin martından Özbəkistan prezidenti mühafizə idarəsi rəisinin birinci müavini Otabek Umarov rəhbərlik edir. O hazırkı prezident Shavkat Mirziyoevin kiçik qızının əridir.

Mirziyoevin qızı Shakhnoza
Mirziyoevin qızı Shakhnoza

Bu yaxınlarda Umarov gecə saatlarında öz Tesla elektromobilini Daşkənd küçələri ilə saatda 200 kilometr sürətlə sürməklə gündəmə gəlmişdi.

Malikanənin triatlon federasiyasına verilməsinə dair təklif Özbəkistanın Bədən Tərbiyəsi və İdman Nazirliyi, habelə bir neçə başqa təşkilatlar tərəfindən dəstəklənib.

Malikanənin yeni sahibliyi barədə qərarda deyilir ki, burada təlim-məşq bazası yaradılacaq və onun yenidən qurulmasına 1, 7 milyon dollar vəsait ayrılacaq.

Maraqlıdır ki, Özbəkistanda triatlon üzrə ilk yarışlar bu ilin mayında keçirilib.

Bir vaxtlar Gulnara Karimovaya məxsus olmuş bu ərazidə mehmanxana, üç hovuz, amfiteatr, kotec və başqa qurğular var.

Günün bütün mövzuları

XS
SM
MD
LG