Keçid linkləri

Təcili xəbərlər
2020, 20 Sentyabr, bazar, Bakı vaxtı 11:41

Guaido ABŞ-ın Venesuelaya hərbi müdaxiləsinə baxmağa hazır olduğunu deyir


Venesuala müxalifətinin lideri Juan Guaido 30 aprel, 2019

Venesuela müxalifətinin lideri Juan Guaido ABŞ-ın ölkədəki vəziyyətə mümkün hərbi müdaxiləsinə baxmağa hazır olduğunu deyir.

Azadlıq Radiosunda olan məlumata görə, bu barədə The Washington Post yazıb.

Guaido etiraf edib ki, hərbçilər tərəfindən yetərincə dəstək olmadığından bu günlərdə, ölkədə prezidentliyini qorumağa çalışan Maduro rejimini devirmək cəhdi alınmadı.

Juan Guaido hesab edir ki, ABŞ-ın müdaxiləsi Venesueladakı böhranı həll edə bilər.

Aprelin 30-da Venesuelada Maduro rejiminə qarşı qiyam cəhdi oldu.

Etirazçılarla Maduronun tərəfdarları arasında baş verən toqquşmalarda azı 4 nəfər öldü,300-ə yaxın adamsa xəsarət alıdı. Bundan başqa yüzlərlə etirazçı saxlandı.

Maduro rejimi qiyamın yatırıldığını deyir, amma ölkədə etirazlar hələ də davam edir.

Qeyd edək ki, mxalifət lideri və parlamentin sədri Juan Guaido bu bu ilin yanvarında özünü müvəqqəti ölkə prezidenti elan edib.

O gündən bu yana ölkədə kütləvi etiraz aksiyaları keçirilir.

Qeyd edək ki, ABŞ, əksər Latın Amerikası və bir sıra Avropa Biurliyi ölkələri Guaidonu Venesuelanın müvəqqəti legitim prezidenti hesab edirlər.

Rusiya, İtan, Kuba və Türkiyə kimi ölkələrsə bu münaqişədə Maduronun tərəfini saxlayırlar.

Maduro ABŞ-ı bu ölkənin daxili işlərinə qarışmaqda günahlandırır.

ABŞ indiyədək Maduro rejiminə qarşı bir sıra sanksiyalar tətbiq edib.

XS
SM
MD
LG