Keçid linkləri

Təcili xəbərlər
2018, 20 İyul, Cümə, Bakı vaxtı 20:43

Göyçay çayı üzərindəki körpü istifadəyə verilib


Göyçayda dağılan körpü, 3 iyun 2018

Bu gün, iyunun 22-də Göyçay çayı üzərindəki körpü bərpadan sonra istifadəyə verilib.

Bu barədə Göyçay Rayon İcra Hakimiyyəti başçısının birinci müavini, Fövqəladə Hallar Komissiyasının sədri İkram Vəlaiyev bildirib.

Leysan yağışlar nəticəsində iyunun 2-də Göyçay çayında suyun səviyyəsi və axın sürəti artmışdı. Çay üzərindəki körpü uçmuşdu.

Nəticədə Bakı-Şamaxı-Yevlax yolunda nəqliyyatın hərəkəti dayandırılmışdı. Sürücülər alternativ olaraq Göyçay-Ucar-Kürdəmir-Bakı yolundan istifadə edirdilər.

Bununla da şəhərin bir hissəsinin, həmçinin 30-dan çox kəndin rayon mərkəzi ilə birbaşa nəqliyyat əlaqəsi kəsilmişdi.

Göyçay çayı üzərində yerləşən körpünün uçmasına görə, cinayət işi açılıb və 7 sahibkar həbs edilib.

Baş Prokurorluğun ekologiya və təbii sərvətlər, daxili işlər və fövqəladə hallar nazrilikləri ilə birgə açıqlamasında iddia edilirdi ki, iyunun 2-də Bakı-Şamaxı-Yevlax yolunun 217-ci kilometrində Göyçay çayı üzərində yerləşən körpü qum-çınqıl yataqlarında aparılan qanunsuz istismar işləri səbəbindən uçub.

Bu açıqlamaya, hələlik, həbs edilən sahibkarların özlərinin və ya vəkillərinin münasibətini öyrənmək mümkün olmayıb.

Sənin fikrin

Şərhləri göstər

Günün bütün mövzuları

XS
SM
MD
LG