Keçid linkləri

2024, 19 Mart, çərşənbə axşamı, Bakı vaxtı 09:20

Britaniya polisi rusiyalı biznesmenin ölümü ilə bağlı cinayət işi qaldırıb


Nikolay Qluşkov
Nikolay Qluşkov

Britaniya polisi Londonda yaşayan rusiyalı biznesmen Nikolay Qluşkovun ölümü ilə bağlı qətl ittihamı ilə cinayət təhqiqatına başlayıb. Qluşkovun autopsiyası onun boğazına edilmiş təzyiq nəticəsində öldüyünü göstərib.

Qluşkov Kremlin tənqidçisinə çevrilmiş və 2013-cü ildə müəmmalı şəkildə ölmüş rusiyalı oliqarx Boris Berezovskinin yaxın yoldaşı olub.

68 yaşlı Qluşkovun meyiti martın 12-də onun London evində tapılıb. Bundan bir həftə əvvəl keçmiş ikili rusiyalı casus Sergey Skripal və qızı Yuliya İngiltərənin Solberi şəhərində, küçədəki skamyalardan birində huşsuz vəziyyətdə aşkar olunmuşdular. Onların əsəb-sinir sisteminə təsir edən kimyəvi qazla zəhərləndiyi məlumdur.

London polisi martın 16-da bəyan edib ki, “indiki mərhələdə Qluşkovun qətli ilə Solsberidə baş vermis kimyəvi zəhərlənmə arasında hər hansı bağın mövcud olub-olmadığı bəlli deyil”.

Antiterror polisi bildirir ki, Qluşkovun ölümü ilə bağlı cinayət işi üzrə təhqiqatın diqqəti əsasən onun tərəfdaş bağları üzərində cəmləşəcək.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG