Keçid linkləri

Təcili xəbərlər
2021, 28 Yanvar, Cümə axşamı, Bakı vaxtı 13:16

Gəncədə Qarabağ əlillərinin narazılığı [video]


Gəncədə Qarabağ əlillərinin narazılığı
Gözlə

No media source currently available

0:00 0:00:58 0:00

Gəncədə Qarabağ əlillərinin narazılığı

«Bizim 4 gün öncə aksiyamızın məqsədi aidiyyəti qurumların diqqətini yolun tənzimlənməsinə cəlb etmək idi».

Bunu AzadlıqRadiosuna Gəncə sakini, II qrup Qarabağ müharibəsi əlili Mahmud Abbasov bildirib. O, bu həftənin əvvəli aksiya keçirmələrinin səbəblərindən danışıb.

M.Abbasovun deməsinə görə, Gəncədəki 28 May küçəsində biri 9, digər ikisi 4 mərtəbə olmaqla Qarabağ müharibəsi əlillərinə aid 3 bina yerləşir.

Qarabağ əlili deyir ki, həmin yer magistral küçə sayılır və orada avtomobillər yüksək sürətlə hərəkət edirlər: «Həmin küçədə piyadalar tez-tez vurulur. Bu yaxınlarda bir gəlini avtomobil vurdu. Sonra yenə bu yaxınlarda bizim əlillərdən birinin anasını maşın vurdu. Biz də etiraz olaraq toplaşdıq ki, bu yolda piyada hərəkətinə bir düzən versinlər. Ya işıqfor qoysunlar, ya yeraltı keçid inşa etsinlər ki, camaat buradan rahat keçə bilsin. Amma indiyə kimi hər hansı tədbir görülməyib, məsələ necə var, elə də durur».

M.Abbasov deyir ki, hadisə yerinə polislər də gəliblər, yolun bağlanması onlarda narahatlıq yaradıb: «Düzdür, hər hansı insident baş vermədi. Çünki əlillərin evlərinin önü idi, amma məsələni həll etmədilər. Yəni, bizim istəyimiz qarşıdurma və ya toqquşma deyildi. Kiçik bir məsələnin həll olunmasını istəyirdik. Hələ ki, özümüz deyib, özümüz də eşidirik».
Qarabağ əlillərinin şikayətinə, hələlik, Gəncə şəhər İcra hakimiyyətindən münasibət öyrənmək mümkün olmayıb.

XS
SM
MD
LG