Roma papası Francis, Vaşinqtonun keçmiş kardinalı, arxiyepiskop Theodore McCarrick-ın istefasını qəbul edib.
O, 50 il əvvəl həddi-buluğa çatmamış oğlana qarşı cinsi istismarda ittiham olunur. Bəzi məlumatlara görə, seksual zorakılığa məruz qalan 16 yaşlı bir qulluqçu olub və insident 1970-ci illərdə baş verib.
McCarrick Roma Katolik Kilsəsində ABŞ-ın ən nüfuzlu kardinallarından biri idi.
AzadlıqRadiosunun Reuters və digər qərb agentliklərinə istinadla verdiyi məlumata görə, Roma papası Francis iyulun 28-də onun istefasını qəbul edib.
Bu barədə CNN və BBC-də məlumat yayıb.
Məlumatda deyilir ki, McCarrick Roma Katolik Kilsəsində öz titulunu itirən ilk canlı amerikalı kardinaldır.
Papa ona təcrid vəziyyətdə yaşamağı və qalan həyatını ibadətə, günahlarını yumağa həsr etməyi məsləhət görüb.
Keçmiş kardinal bundan əvvəl,bir neçə gənc dindara qarşı cinsi qısnamada ittiham olunurdu.
Amma 88 yaşlı kardinal bunları xatırlamadığını deyir.
