Keçid linkləri

Təcili xəbərlər
2019, 13 Dekabr, Cümə, Bakı vaxtı 12:14

"Facebook" 5 milyard dollar cərimələndi


Facebook-un banisi Mark Zuckerberg

ABŞ-ın federal ticarət komissiyası Facebook şirkətini 5 milyard dollar cərimələyib.

Buna səbəb, 2018-ci ildə şirkətdən 87 milyon istifadəçinin özəl məlumatlarının sızdırılmmasıdır.

Reuters agentliyinin məlumatına görə, şirkətdən həmçinin şəxsi məlumatların qorunmasının gücləndirilməsi tələb olunur.

Bu federal ticarət komissiyasının indiyədək kəsdiyi ən böyük cərimədir.

CNN-nin məlumatına görə, bu təxminən şirkətin 1 aylıq gəliri deməkdir.

Qərara əsasən, "Facebook" un idarə heyəti məxfiliklə bağlı müstəqil komitə yaradacaq. Hansı ki, bu "istifadəçilərin fərdi məlumatlarının təhlükəsizliyinə təsir göstərə bilən qərarlar üzərində" Facebook şirkətinin direktoru Mark Zuckerberg-in maneəsiz nəzarətini aradan qaldırır.

Həmçinin, sosial şəbəkəyə, istifadəçilərin telefon nömrələri və elektron poçt ünvanlarından reklam alətləri üçün istifadə etməsi qadağan edilir.Şəxsin tanınması indi yalnız istifadəçinin razılığı ilə olmalıdır.

Facebook-un nümayəndələri bəyanat yayaraq şəxsi məlumatların qorunması sahəsində dəyişikliklərə hazır olduqlarını bildiriblər. Onlar ümid edirlər ki, yeni müdafiə standartları bütün sənaye üçün bir nümunə olacaq.

Qərar münasibət bildirən Mark Zuckerberg deyib ki, bu dəyişiklik təkcə administrativ yox, texniki sahəyə də aid olacaq. “İndi Facebook özünün bütün texniki sistemini yoxlamalı və informasiyaların qorunması ilə bağlı bütün mümkün riskləri sənədləşdirməlidir. Bu eyni zamanda hər bir yeni məhsula da tətbiq olunmalıdır”. Mark Zuckerberg bildirib.

Məxfi məlumatların sızdırılmasının əsas mənbəyi Cambridge Analytica şirkəti olub.

Şirkət həmin məlumatlardan, Facebook-un qaydalarından yan keçərək Donald Trump-ın seçkiqabağı kampaniyası zamanı reklam məqsədilə istifadə edibmiş.

ABŞ-n federal ticarət komissiyası isə bundan sonra məsələ ilə bağlı araşdırma aparırdı.

Günün bütün mövzuları

XS
SM
MD
LG