Siyasi böhran fonunda keçirilən növbədənkənar səsvermədə baş nazir Nikol Paşinyanın rəhbərlik etdiyi hakim "Vətəndaş Müqaviləsi" partiyası ilə müxalifət blokları arasında gərgin hakimiyyət mübarizəsi gedir. Ermənistanın gələcək daxili və xarici siyasət kursunu müəyyən edəcək bu tarixi səsvermədə parlamentdəki yerlər uğrunda 18 siyasi qüvvə yarışır. Seçki kampaniyasının və səsvermənin əsas müzakirə mövzuları isə Qarabağ məsələsi ilə Ermənistan-Rusiya münasibətləridir.