Keçid linkləri

2024, 19 Mart, çərşənbə axşamı, Bakı vaxtı 10:32

Ermənistan 3+3 formatında iclasa hazırlaşır


Nikol Paşinyan
Nikol Paşinyan

İlkin məlumata görə dekabrın 10-da 3+3 və 3+2 formatı üzrə danışıqların hazırlıq iclası keçiriləcək

İlkin məlumata görə dekabrın 10-da 3+3 və 3+2 formatı üzrə danışıqların hazırlıq iclası keçiriləcək.

AzadlıqRadiosunun Erməni xidməti – Azatutyun yazır ki, bu barədə məlumatı dekabrın 8-də Ermənistan parlamentində keçirilən “hökumət saatında” baş nazir Nikol Paşinyan verib.

Paşinyan hakimiyyətyönlü deputat Ripsime Qriqoryanın hökumətin bu formata münasibəti barədə sualına cavab verirdi:

“Bizim bir neçə dəfə imkanımız olub deyək ki, əgər bu platformalarda iştirak etdiyimiz başqa formatlardakı məsələlər müzakirə olunmasa, bizi 3+3 formatı maraqlandıra bilər. Biz bu məsələni partnyorlarımızla, o cümlədən rusiyalı partnyorlarımızla müzakirə etmişik və siqnal almışıq ki, onlar bizim mövqeyimizi bölüşürlər. Yaxın vaxtlarda, səhv etmirəmsə, dekabrın 10-da 3+3 və ya 3+2 formatının ilkin iclası keçiriləcək”.

Baş nazir bildirib ki, Ermənistanı bu iclasda xarici işlər nazirinin müavini təmsil edəcək.

Azatutyun yazır ki, o söhbətin hansı müavindən getdiyi və görüşün vaxtı və yeri haqqında məlumat verməyib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG