Türkiyə prezidenti Recep Tayyip Erdoğan bu ölkədəki türk icmasının mitinqlərini qadağan etmiş“Almaniya hökumətinin hərəkətlərini” nasist hərəkətlərinə bənzədib.
Almaniya hakimiyyət orqanları keçən həftə ölkənin iki şəhərində Türkiyə hökumətinin dəstəklənməsi üçün keçirilməli olan mitinqlərə verilmiş icazəni ləğv edib.
Bu mitinqlərdə 1, 5 milyonluq Almaniya türk icmasının nümayəndələri iştirak etməli idilər.
Ankara aprel ayında Türkiyədə keçiriləcək referendumda Almaniya türk icmasının Erdoğana dəstəyini təmin etmək üçün təbliğat aparır.
Bu referendumda hakim AKP-nin arzuladığı nəticə alınarsa, hazırkı prezident Erdoğana misilsiz və demək olar məhdudiyyətsiz hakimiyyət səlahiyyətləri veriləcək.
İstanbulda keçirilən qadın mitinqində Erdoğan Berlinə müraciətlə deyib: "Almaniya, sənin demokratiya ilə heç bir əlaqən yoxdur və bilirsənmi ki, sənin hazırkı hərəkətlərin nasistlərin zamanında ediləndən heç fərqli deyil…”
Türkiyədə aprelin 16-da keçiriləcək referendumda Konstitusiyanın dəyişdirilməsinə dair sual qoyulub.
Bu referendumun nəticələri Türkiyədə prezidentlik təsisatını Fransa və ya Birləşmiş Ştatlardakı kimi gücləndirə bilər.
Türkiyə israr edir ki, dəyişiklik ölkəyə sabitlik gətirəcək. Lakin Erdoğanın tənqidçiləri narahatdırlar ki, bu, ölkədə bir adamın – Erdoğanın hakimiyyətini bərqərar edəcək.
“Erdoğan mitinqlərinə” kütləvi qadağan çağırışı
Bir sıra təhlilçilər Almaniyada türk mitinqlərinə qoyulan qadağanı Türkiyə əsilli Almaniya jurnalistinin İstanbulda həbs edilməsi ilə əlaqələndirilər.
Erdoğan kürd separatçısı olmaqda ittiham edilən Die Welt qəzeti müxbirini “alman agenti” olduğunu söyləyib.
Almaniya hökuməti bu iddiaları absurd adlandırıb.
Bu arada Avstriya kansleri bütün Avropa İttifaqı üzvü olan ölkələri Türkiyə siyasətçilərinin bu ölkələrdə mitinqlər keçirməsinə yol verməməyə çağırıb.
Christian Kern Almaniyanın Welt am Sonntag qəzetinə deyib ki, Aİ-nin türk mitinqlərinə kollektiv qadağanı Türkiyəni kimisə ittiham etmək imkanından məhrum edər.
Avstriya Türkiyənin bu ölkədə hər hansı referendum kampaniyası aparmasına qadağan qoyub.