İraqın Ərbil şəhərində silahlı hücum nəticəsində 1 türkiyəli diplomat da daxil olmaqla azı 2 nəfər ölüb.
Bu barədə iyulun 17-də Reuters agentliyi xəbər verir.
Ərbil İraqdakı kürd muxtariyyətinin paytaxtıdır.
Yerli təhlükəsizlik xidməti və şahidlərin sözlərinə görə,
silahlı adam türk diplomatlarının nahar elədiyi restorana girərək atəş açmağa başlayıb, sonra isə maşına minərək aradan çıxıb.
Hazırda axtarış əməliyyatları aparılır.
Türkiyənin xarici işlər nazirliyi həlak olanlardan birinin, Ərbildəki Türkiyə konsulluğunun əməkdaşı olduğunu bildirir.
Yerli təhlükəsizlik xidmətinin məlumatında da hucum nəticəsində 1 türkiyəli diplomat və mülki sakinin həlak olduğu, bir nəfərində yaralandığı bildirilir.
Bundan əvvəl 3 nəfərin öldüyü bildirilirdi.
