Keçid linkləri

Təcili xəbərlər
2018, 17 Oktyabr, çərşənbə, Bakı vaxtı 19:36

ƏMDK daha bir bankda səhmdar oldu


Əmlak Məsələləri Dövlət Komitəsinin sədri Kərəm Həsənov

«Azərbaycan Beynəlxalq Bankı» (ABB) ASC səhmdarlarının mülkiyyət növləri üzrə strukturunu açıqlayıb. Bəlli olub ki, dövlətin bankdakı payı 95 faizi keçib, üstəlik, Maliyyə Nazirliyi«Aqrarkredit» Bank Olmayan Kredit Təşkilatı ilə yanaşı, burada başqa bir dövlət qurumu da var.

KOMİTƏ BANKA NECƏ GİRİB - BİLİNMİR

Aprelin 1-nə olan vəziyyətə ABB-nin səhmdar kapitalının strukturunda Əmlak Məsələləri Dövlət Komitəsi (ƏMDK) də var. Komitənin 46 milyon 638 min 450 manatlıq səhm zərfinə sahib olduğu göstərilir. Bu, bankın səhmlərinin 3.76 faizidir.

ƏMDK-nın ABB-nin səhmdarları sırasına hansı yolla daxil olması haqda AzadlıqRadiosunun sualına nə komitənin, nə də bankın mətbuat xidməti cavab verib.

Beynəlxalq bank ətrafında nə baş verir?
Gözlə

No media source currently available

0:00 0:14:53 0:00

YANVARDA HÖKUMƏT BANKIN KAPİTALINA 600 MİLYON MANAT QOYUB

Səhm buraxılışının yerləşdirilməsinin nəticələri haqda bu ilin yanvarında bank açıqlama yaymışdı. ABB-də dövlətə məxsus səhmlərin 82.2 faizdən 91.3 faizə çatdırıldığı, bunun Maliyyə Nazirliyinin nizamnamə kapitalında iştirak payının artırılması hesabına gerçəkləşdirildiyi bildirilirdi. Hökumət səhm alışına dövlət büdcəsindən 600 milyon manat xərcləmişdi. Nəticədə Maliyyə Nazirliyinin payı 54.96 faizdən 76.7 faizə qalxmış, «Aqrarkredit» QSC-nin payı isə 27.26 faizdən 14.6 faizə düşmüşdü.

Hazırda özəl şirkətlərin ABB-dəki payı 0.4 faiz, vətəndaşların payı isə 4.55 faizdir (56.5 milyon manat).

«AQRARKREDİT» GETDİ, ƏMDK GƏLDİ

ƏMDK həm də «Azər-Türk Bank» ASC-nin səhmdarıdır. Komitə bankın səhmlərinin 75 faizinə sahibdir.

1995-ci ildə yaradılan bu bankın səhmlərinin 46 faizi 2014-cü ilədək dövlətə məxsus olan «Aqrarkredit» QSC-nin mülkiyyətində idi. Üç il öncə «Ziraat Bankası» bankda payını azaldandan sonra Azərbaycan hökumətini təmsil edən ƏMDK-nın payı 75 faizə qaxdı.

Günün bütün mövzuları

XS
SM
MD
LG