Böyük Britaniyada, “sərt Brekziddən” sonra Londonda hərc-mərclik düşəcəyi halda kraliça II Yelizaveta (Elizabeth II) və kral ailəsinin digər üzvlərinin evakuasiya edilməsi ilə bağlı xüsusi plan hazırlanıb.
Söhbət, Böyük Britaniyanın Avropa Birliyindən razılaşmasız çıxmasının mümkünlüyü və bundan sonra baş verə biləcək hadisələrdən gedir.
Siyasətçilər və şərhçilər “kəskin Brekziti” tamamilə real sayırlar.
Qeyd edək ki, Böyük Britaniya martin 29-dək Avropa Birliyindən çıxmalıdır.
Amma Avropa Birliyi ilə əldə edilmiş razılaşma hələ ki, təsdiqlənməyib.
“The Sunday Times” və “The Mail on Sunday” qəzetlərinin yazdıqlarına görə, planda kraliça və həyat yoldaşının Londondan gənardakı məxfi yerə köçürülməsi nəzərdə tutulur.
Bu nəşrlərin yazdıqlarına görə, belə bir plan, soyuq müharibə dövründə-keçmiş SSSR-in mümkün nüvə hücumuna hazırlıq çərçivəsində hazırlanıbmış.
Bundan əvvəl verilən məlumatlara görə, Britaniya hakimiyyəti “kəskin Brekzit” halında ictimai asaişin qorunmasına bir neçə min hərbçi cəlb rtməyi planlaşdırır.
Şimali İrlandiyadakı vəziyyət daha çox narahatlıq doğurur.
Britaniya parlamenti bundan əvvəl baş nazir Theresa May-ə, Avropa Birliyi ilə əldə edilmiş “Brekzit” razılaşmasında dəyişikliyə nail olmağı tapşırıb.
Xüsusilə söhbət, İrlandiya ilə Şimali İrlandiya arasında sərhədin şəffavlığına təminat verilməsindən gedir.
Bu müddət fevralın 13-də bitir.
Avropa Birliyi isə bundan əvvəl bildirib ki, əvvəlki razılaşmanın mətnini dəyişməyəcək.
Amma Britaniya parlamenti dəyişiklik olmadan sənədə səs vermək fikrində deyi.