Keçid linkləri

Təcili xəbərlər
2018, 19 Sentyabr, çərşənbə, Bakı vaxtı 08:43

Ali Məhkəmədən Elçin İsmayıla bəraət istənilir


Bir sıra media orqanları ilə əməkdaşlıq edən və iki il əvvəl həbs olunan Elçin İsmayılın işi ilə əlaqədar Ali Məhkəməyə kassasiya şikayəti verilib.

Bu haqda AzadlıqRadiosuna onun vəkili Elçin Sadıqov bildirib.

Ali Məhkəmədən ona bəraət verilməsi istənilir.

Vəkil deyir ki, şikayətlərinə ədalətli baxılarsa, belə qərar verilməsi tamamilə gözləniləndir.

Xatırlatma

İsmayıllıda yaşayan, bir sıra media orqanları ilə əməkdaşlıq edən Elçin İsmayıl 2017-ci il fevralın 17-si həbs olunub. O, İsmayıllı rayonunda vəzifəli şəxslərdən, barələrində rüsvayedici məlumat yaymaq hədəsi ilə pul tələb etməkdə və rüşvət almaqda ittiham olunub.

Elçin İsmayıl özünü təqsirli bilmir. Saxlanılarkən üstündə olan 1000 manatı borc aldığını deyir.

Ötən il sentyabrın 18-də Şəki Ağır Cinayətlər Məhkəməsində Rəşid Hüseynovun sədrlik etdiyi hakimlər kollegiyası İsmayılı 9 il azadlıqdan məhrum edib. İsmayıla həmçinin, 3 il müddətində müəyyən vəzifə tutmaq qadağan olunub.

Eıçin İsmayılın vəkilləri hökmün əsassız olduğunu, ittihamın məhkəmədə sübuta yetirilmədiyini deyirlər.

Şəki Apellyasiya Məhkəməsi aşağı məhkəmənin hökmünü olduğu kimi qüvvədə saxlayıb.

Günün bütün mövzuları

XS
SM
MD
LG