Keçid linkləri

2024, 29 Mart, Cümə, Bakı vaxtı 05:39

Əhali ucuz telefonlara üstünlük verir


Telefonlar
Telefonlar

Bu ilin birinci rübündə ölkəyə gətirilən mobil telefonların bir ədədinin orta qiyməti ötən illə müqayisədə ucuzlaşıb. Elə idxalçıların cərgəsi də xeyli seyrəlib.

Dövlət Gömrük Komitəsinin məlumatına görə, il başlayandan ölkəyə satış məqsədilə 103 mindən çox – 2016-cı ilin yanvar-mart aylarındakından 3 dəfə artıq mobil telefon gətirilib. Bir ədəd mobil telefonu gömrükdə 99 dollar 40 sentə rəsmiləşdiriblər. Bir il əvvəl isə mobil telefonun Azərbaycan gömrüyündə bəyan olunan qiyməti 130.70 ABŞ dolları idi.

DÖRD İDXALÇI VAR

Azərbaycana əsasən Çində (65 min 170 ədəd) və Vyetnamda (36 min 636 ədəd) yığılan mobil rabitə vasitələri gətirilir. Az sayda telefon Koreyadan, Tayvandan və Türkiyədən alınıb.

Standartlaşdırma, Metrologiya və Patent üzrə Dövlət Komitəsi mobil telefon idxalı üçün üç şirkətin («Azercell Telekom» MMC, «Samsung Electronics Caucasus Company» MMC«İrşad-İ.R» MMC), eləcə də bir fiziki şəxsin (İlqar Avdıyev) sertifikatının olduğunu bildirir. Mayın 16-da «Azercell Telekom» ABŞ-dan 320 ədəd «Iphone 6» mobil telefonlarının idxalını sanksiyalaşdırıb. Fevralda isə şirkət Niderland istehsalı olan 2 min ədəd «Samsung» telefonlarının idxalına razılıq almışdı.

TELEFON İDXALI DA LEQALLAŞIB

Yerli rəsmi mənbələrə görə, ötən il idxalçılar istehsalçı şirkətlərə, eləcə də malın daşınmasına və sığorta olunmasına 41.6 milyon dollar – 4.5 dəfə çox rəsmi ödənişlər ediblər.

2016-cı ildə bir çox istehlak malları kimi, mobil telefonların Azərbaycana gətirilməsi də leqallaşdı. Bu səbəbdəndir ki, həmin il gömrükdə bəyan edilməklə ölkəyə daxil olan mobil telefonların sayı 2015-ci illə (86.7 min) müqayisədə 5.3 dəfə artaraq 462 minə çatmışdı.

BMT-nin Ticarət Statistikası bölməsinin (UN Comtrade) hesabatına görə, 2015-ci ildə təkcə Çindən, Vyetnamdan və Honq-Konqdan Azərbaycana 375 min ədəd mobil telefon yola salınıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG