Keçid linkləri

Təcili xəbərlər
2018, 18 Avqust, şənbə, Bakı vaxtı 19:49

100-dən çox əfv müraciəti araşdırılıb


Bu gün, mayın 11-də Azərbaycan prezidenti yanında Əfv Məsələləri Komissiyasının növbəti iclası keçirilib.

Komissiyanın üzvü Əliməmməd Nuriyev “Turan” agentliyinə son iclasda yüzdən çox müraciətə baxıldığını bildiririb.

Onun sözlərinə görə, növbəti həftə bu mərhələdə əfv müraciətlərinə baxılması prosesinin yekunlaşması gözlənilir.

Komissiya bu ilin yanvarından başlayaraq müraciətlərə baxmağa başlayıb. Mətbuatın məlumatına görə, komissiyaya mindən çox müraciət daxil olub. İndiyə kimi həmin müraciətlərin çoxuna baxıldığı deyilir.

Xatırlatma

Prezident sonuncu dəfə əfv fərmanını 2017-ci il martın 16-da imzalayıb. Həmin əfv fərmanı 423 nəfərə şamil olunub. Onların içərisində bir neçə şəxs hüquq müdafiəçilərinin siyası məhbus siyahılarında yer alırdı.

Azərbaycan Xalq Cümhuriyyətinin (AXC) 100 illik yubileyi (28 may) ərəfəsində yeni əfv fərmanının imzalanacağı gözlənilir.

Hüquq müdafiə təşkilatları Azərbaycanda ümumilikdə 150 civarında siyasi məhbusun olduğunu bildirirlər.

Ancaq Azərbaycan rəsmiləri ölkədə siyasi məhbus olması fikrini qəbul etmirlər. Rəsmilər deyirlər ki, siyasi məhbus sayılan şəxslər törətdikləri əməllərə görə məsuliyyətə cəlb ediliblər.

Günün bütün mövzuları

XS
SM
MD
LG