Keçid linkləri

Təcili xəbərlər
2019, 17 Oktyabr, Cümə axşamı, Bakı vaxtı 09:14

Əfqanıstanda partlayış və atəş altında prezident seçkisi


Əfqanıstan, səsvermə məntəqəsi

Sentyabrın 28-də Əfqanıstanda prezident seçkisi keçirilib. AzadlıqRadiosunun Əfqan xidmətinin verdiyi məlumatına görə, səsvermə məntəqəsində partlayış və raketdən atəşə tutulma halları ilə müşayət olunub.

Səsvermə bülletenlərində 15 namzədin adı qeyd olunsa da əsas mübarizənin iki namizəd, daha 5 il hakimiyyətdə qalmaq istəyən indiki prezident Ashraf Ghani (70 yaş) və Əfqanıstan İslam Respublikasının icra rəisi Abdullah Abdullah (50 yaş) arasında getdiyi bildirilir.

Ashraf Ghani (solda) və Abdullah Abdullah NATO sammiti, 8 iyul 2016
Ashraf Ghani (solda) və Abdullah Abdullah NATO sammiti, 8 iyul 2016

Digər tanınmış namizədlər sırasında keçmiş kəşfiyyat rəisi Rahmatullah Nabil və keçmiş hərbi komandir, yaraqlıların lideri Gulbuddin Hekmatyar da var.

Qəndahardakı yerli xəstaxanadan verilən verilən məlumata görə, məsciddə baş verən partlayışda 15 nəfər yaralanıb və onlardan 3-nün vəziyyəti ağır dəyərləndirilir. Ölkənin Kabul, Qazni, Cəlilabad şəhərlərində də partlayışların olduğu bildirilir.

Taliban döyüşçüləri tərəfindən Qunduz şəhərinin minaatanlardan atəşə tutulması badədə məlumatları da var. Son həftə silahlıların hücumlarına cavab olaraq Əfqanıstanda hökumət təhlükəsizlik tədbirlərini gücləndirib.

Ölkə ərazisində səsvermə məntəqələrinin qorunmasına 72 min təhlükəsizlik qüvvəsinin cəlb edildiyi vurğulanır.

Məlumatlara görə, səsvermədə iştirak etmək istəyən 9 milyondan çox ölkə vətəndaşı qeydiyyata düşüb. Bu 2001-ci ildən bəri Əfqanıstanda keçirilən 4-cü prezident seçkisidir.

Əgər namizədlərdən heç biri tələb olunan səs çoxluğunu qazana bilməsə noyabrın 23-də seçkisinin 2-ci turu keçiriləcək.

Səsəvermə ilə bağlı ilkin nəticələr oktyabrın 19-da, yekun nəticələr isə noyabın 7-də açıqlanacaq.

Şərhlər

Günün bütün mövzuları

XS
SM
MD
LG