Keçid linkləri

2024, 19 Mart, çərşənbə axşamı, Bakı vaxtı 07:14

Xanımı: 'Əfqan Muxtarlının məsələsi Gürcüstan cəmiyyətindən asılıdır'


Əfqan Muxtarlı həbsdə qaldı
Gözlə

No media source currently available

0:00 0:02:22 0:00

Əfqan Muxtarlı həbsdə qaldı

Hazırda həbsdə olan jurnalist Əfqan Muxtarlının Tbilisidə qalan həyat yoldaşı Leyla Mustafayeva deyib ki, ərinin məsələsi Gürcüstanda böyük qalmaqal doğurub. O, istintaqdan narazılığını da bildirib:

«Nə mənim, nə vəkilimin, nə bütünlükdə ictimaiyyətin istintaqın gedişindən məlumatı var. İşi polis aparır. Baxmayaraq ki, Əfqan Muxtarlı onu polis formalı şəxslərin oğurladığını deyirdi. Vəkil işin prokurorluqda aparılması barədə vəsatət qaldırıb. Amma onunla bağlı heç nə deyilmir».

L.Mustafayev deyib ki, bu məsələ Gürcüstanda rəsmilər arasında fikir ayrılıqlarını meydana çıxarıb:

«Prezident bildirib ki, Gürcüstanın nüfuzuna ciddi zərbə vurulub, hökumət isə hiylə edir. Bu, iş üzrə Gürcüstan hökuməti, rəsmi Bakı və xüsusən hüquq-mühafizə orqanları arasında razılaşma olduğunu göstərir».

Gürcü fəallar Əfqan Muxtarlıya görə hökümətdən hesabat tələb edir
Gözlə

No media source currently available

0:00 0:03:00 0:00

O deyib ki, Gürcüstanın vətəndaş cəmiyyətinin hadisəyə baxışı isə çox sərtdir:

«Bu gün ən pis vəziyyətə Gürcüstan düşüb. Hökumət cəmiyyətin və beynəlxalq ictimaiyyətin belə reaksiyası olacağını gözləmirdi. Belə bir reaksiya olmasaydı, bunun ardınca Gürcüstana sığınan daha bir neçə şəxs Azərbaycana təhvil veriləcəkdi... Bu məsələnin həlli Gürcüstanın vətəndaş cəmiyyətinin əlindədir. Gürcüstandakı vətəndaş cəmiyyəti hökumətlə güzəştə getmək niyyətində deyil».

XATIRLATMA

Jurnalist Ə.Muxtarlı mayın 29-u oturum izini aldığı Gürcüstandan zorla Azərbaycana gətirildiyini deyir. Jurnalist Cinayət Məcəlləsinin 315.2-ci maddəsi ilə hakimiyyət nümayəndəsinə müqavimət və ya zor tətbiq etmədə ittiham olunur.

Bundan başqa, ona 318.1, 206.1 maddələr ilə - sərhədi qanunsuz keçmə və qaçaqmalçılığa görə də ittiham irəli sürülüb.

Bakıda rəsmi qurumlar iddia edir ki, Ə.Muxtarlı sərhədi qanunsuz keçərkən Azərbaycan ərazisində saxlanıb və bu məsələnin siyasiləşdirilməsi düzgün deyil.

Məhkəmənin qərarı ilə ona ilkin istintaq dövründə 3 aylıq həbs cəzası verilib. Həmin qərardan verilən apellyasiya şikayəti təmin edilməyib.

Gürcüstan baş naziri və daxili işlər naziri isə yerli ictimaiyyəti bu məsələ ilə bağlı istintaqın nəticələrini gözləməyə səsləyib.

Ə.Muxtarlı iki ildən çoxdur Gürcüstanda yaşayırdı. O, Azərbaycanda təqib olunduğunu bildirmişdi. Ə.Muxtarlı son illər Tbilisidə Azərbaycan hakimiyyətinin əleyhinə keçirilən aksiyalarda da fəal iştirak edirdi. O, bir sıra araşdırma yazılarının da müəllifi idi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG