Keçid linkləri

2024, 28 Mart, Cümə axşamı, Bakı vaxtı 12:09

Ə.Əhmədli: 'Şagirdlər etiraz olaraq dərsə gəlməyib'


Cəbhəçi müəllimlər Əflatun Əhmədli və Ülkər Əhmədli piket keçirir. 28 aprel 2017
Cəbhəçi müəllimlər Əflatun Əhmədli və Ülkər Əhmədli piket keçirir. 28 aprel 2017

«Neftçala rayon Mayak kənd 1 saylı məktəbin şagirdlərindən çox azı mayın 1-də dərsə gəliblər. Əslində, bundan xəbərim olmayıb, mənə bu haqda sonra deyiblər».

Bunu AzadlıqRadiosuna aprelin 28-də məktəbdən çıxarılan fizika müəllimi Əflatun Əhmədli bildirib.

Onun deməsinə görə, dərs dediyi 8-ci sinifdə iki, 9-cu, 10-cu, 11-ci siniflərdə də çox az sayda şagird dərsə gəlib: «Amma bundan sonra məktəb rəhbərliyi şagirdlərin dərsə gəlmələri üçün ailələrə zəng etməyə başlayıb və müəyyən hədə-qorxu da gəliblər. Hətta şagirdlərimdən biri təzyiqlərə məruz qalmaları barədə zəng edib».

DİREKTOR: «DƏRS JURNALLARINA BAXA BİLƏRLƏR»

Mayak kənd orta məktəbinin direktoru Elşən Ağalarov isə şagirdlərin fizika müəllimlərinin işdən çıxarılmasına görə dərsə gəlmədikləri ilə bağlı deyilənləri təkzib edir. Onun deməsinə görə, hər hansı şəkildə etiraz olmayıb. Şagirdlərin dərs davamiyyətində hər hansı yenilik yoxdur:

***Buna da bax-Daha bir cəbhəçi müəllim işdən çıxarılıb

«İndi xəstəlikdən kimsə sığortalanmayıb, bir-iki nəfər bu səbəblə dərsə gəlməyə bilər. Amma qalan bütün şagirdlər dərsdədir və bunu yoxlamaq istəyənlər dərs jurnallarına baxa bilərlər».

Ə.Əhmədli onun məktəbdən çıxarılması ilə bağlı Neftçala rayon Təhsil Şöbəsinin mediada yayılan açıqlamalarına da münasibət bildirib: «Bunlar hamısı əsassızdır, yanlış məlumatlardır. İstər xanımımın, istər özümün işdən çıxarılmağımı əsaslandırmaq üçün olan uydurmalardır».

Mayak kənd məktəbinin fizika müəllimi, AXCP Neftçala rayon şöbəsinin sədri Əflatun Əhmədli və xanımı, 3 saylı məktəbin rus dili müəlliməsi Ülkər Əhmədli bu il aprelin 28-də işdən çıxarılıblar.

Neftçala rayon Təhsil Şöbəsi hər iki şəxsi dərs intizamını və siyasi loyallıq prinsipini pozmaqda ittiham edib. Ə.Əhmədli isə bunları bəhanə sayır. İşdən azad edilmələrinə səbəb kimi AXCP sıralarını tərk etməməsini göstərir. Ə.Əhmədlinin deməsinə görə, rayon təhsil şöbəsində onun qarşısında ya AXCP-ni, ya da müəllimliyi seç tələbi qoyulub. O da əqidəsini seçib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG