Bu il ədəbiyyat üzrə Nobel mükafatına 82 yaşlı fransalı yazıçı Anni Erno layiq görülüb. Oktyabrın 6-da Stokholmda keçirilən mərasimdə bu haqda məlumat verilib.
Yazıçı mükafata “şəxsi yaddaşın köklərini, yadlaşmasını və kollektiv məhdudlaşdırmasını açarkən göstərdiyi cəsarəti və klinik dəqiqliyə” görə layiq görülüb.
Ernonun ən məşhur əsərlərindən biri “Hadisə”dir (2000). Əsərdə yazıçı 1963-cü ildə elətdirdiyi gizli abortdan söz açır. Əsər 2021-ci ildə rejissor Odri Divan tərəfindən ekranlaşdırılıb və buna görə Venesiya kinofestivalının “Qızıl şir” mükafatına layiq göeülüb.
Bu il bukmekerlərin favoritləri sırasında 75 yaşlı britaniyalı Salman Rüşdi vardı. “Şeytan ayələri” kitabının müəllifi avqustda Nyu Yorkda sui-qəsdə məruz qalıb.
Mükafatın dəyəri 10 milyon İsveç kronudur (914 min 704 dollar).
Bu gün – oktyabrın 7-də Nobel Sülh Mükafatının qalibi elan ediləcək.
