Keçid linkləri

2024, 19 Mart, çərşənbə axşamı, Bakı vaxtı 08:19

Formula 1-in rəhbəri Eccleston-u ‘işdən çıxarıblar’


Bernie Ecclestone
Bernie Ecclestone

Çox uzun müddətdir ki, Formula 1 yarışlarına rəhbərlik edən Bernie Ecclestone vəzifəsindən kənarlaşdırılıb.

Buna səbəb Formula 1-in ABŞ-ın nəhəng Liberty Media şirkəti tərəfindən 8 milyard dollara satın alınması olub.

Formula 1 yarışlarına 40 ildən çoxdur ki, başçılıq edən 86 yaşlı Ecclestone təşkilatın fəxri sədri elan edilib və F1 şurasının müşaviri kimi fəaliyyət göstərəcək.

Onun vəzifəsini indiyədək Formula Bir Qrupunun direktorlarından olan Chase Carey icra edəcək. Cənab Carey həm də 21st Century Fox media konqlomeratının başçısıdır.

Bernie Ecclestone Formula 1-i Bakıya gətirmişdi
Bernie Ecclestone Formula 1-i Bakıya gətirmişdi

Cənab Ecclestone bundan əvvəl verdiyi bəyanatda vəzifəsindən “zorla kənarlaşdırıldığını” demişdi.

O Almaniyanın “Auto Motor und Sport” məcmuəsinə deyib: “Məni bu gün işdən çıxarıblar. Bu rəsmi məlumatdır. Mən daha bu şirkətə rəhbərlik etmirəm. Mənim vəzifəmi Chase Carey-ə veriblər”.

BBC Sport verilişinin suallarına cavab verən Ecclestone onun yeni “fəxri sədr” vəzifəsinin funksiyasının nə olduğunu bilmədiyini deyib.

Liberty Formula 1-in satın alınması prosesinə hələ ötən sentyabrdan başlamışdı.

Bundan sonra Liberty Media qrupu Formula Bir Qrupu adlanacaq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG