Keçid linkləri

Təcili xəbərlər
2020, 20 Oktyabr, çərşənbə axşamı, Bakı vaxtı 16:35

Prezident şurası Dumanın 3 sentyabrla bağlı qərarına etiraz bildirir


Rusiya prezidenti yanında İnsan Haqları Şurasının sədri Valery Fadeyev

Rusiya prezidenti yanında İnsan Haqları Şurası (İHŞ) millət vəkillərinin II Dünya Müharibəsinin başa çatmasını bütün dünyada olduğu kimi sentyabrın 2-də deyil, sentyabrın 3-də qeyd edilməsinə dair qərarını tənqid edib.

İHŞ-nin sədri Valery Fadeyev Rusiya parlamentinin yuxarı palatası Federasiya Şurasının sədri Valentina Matviyenkodan aşağı palata – Dövlət Duması tərəfindən qəbul edilmiş qanunun rədd edilməsini xahiş edib.

Fadeyev deyib ki, sentyabrın 3-ü 2004-cü ildə Beslan məktəbində yüzlərlə insanın həlak olduğufaciədən sonra Rusiyada Terrorizmə Qarşı Mübarizədə Həmrəylik Günü kimi qeyd edilir.

İHŞ bu münasibətlə verdiyi bəyanatda bildirir:

"Bizim düşüncəmizdə xatirə günlərinin müəyyən edilməsi adamları ayırmalı yox, birləşdirməlidir. Beslandakı qəddar faciədə ölənlərin yaxınları Hərbi Şərəf Gününün sentyabrın 2-dən 3-ə keçirilməsini başa düşməyə bilərlər”.

Yaponiya üzərində qələbə

Beynəlxalq aləmdə II Dünya Müharibəsinin qurtardığı gün kimi 1945-ci ilin 2 sentyabrı qəbul edilib.

Dövlət Dumasının qəbul etdiyi qanunda deyilir ki, Rusiyada II Dünya Müharibəsinin qurtardığı gün kimi sentyabrın 3-ü qeyd edilməlidir, çünki məhz həmin gün keçmiş Sovet İttifaqı Yaponiya qoşunlarını məğlub edərək “müharibənin başa çatmasına həlledici töhfə verib”.

Beslan qəbirstanlığı
Beslan qəbirstanlığı

Rusiyada 2005-ci ildən bəri hər il sentyabrın 3-ü Beslan qurbanlarının xatirəsi şərəfinə Terrorizmə Qarşı Mübarizədə Həmrəylik Günü kimi qeyd edilir.

2004-cü il sentyabrın 1-də 300-dək çeçen yaraqlı Şimali Osetiyadakı Beslan şəhərinin məktəbində 1200 nəfəri girov götürmüşdü.

2 gün sonra Rusiya silahlı qüvvələri məktəbə həmlə etmiş və bu əməliyyatın gedişində 186 məktəbli də daxil 334 nəfər həlak olmuşdu.

XS
SM
MD
LG