Əgər ABŞ Konqresinin Nümayəndələr palatası ölkədə fövqəladə vəziyyət rejimi tətbiq ediləməsinin əleyhinə səs versə prezident Donald Trump-ın veto qoymaq hüququ var.
Bu barədə Associated Press agentliyi Ağ evə istinadla xəbər verir.
Qeyd edək ki, ABŞ prezidenti Donald Trump Meksika ilə sərhədə divar çəkilməsinə lazım olan vəsaiti ala bilmək üçün ölkənin cənub sərhədlərində fövqəladə vəziyyət rejimi tətbiq edilməsi barədə qərar qəbul edib.
Əgər belə bir rejim tətbiq edilsə, artıq 2020-ci ilin sentyabrı-yeni prezident seçkisinədək bu divarın xeyli hissəsi çəkiləcək.
Ağ evin hesablamasına görə bu divarın çəkilməsinə 8 milyard dollar lazımdır.
Fox News televiziyasınını məlumatına görə, belə halda hakimiyyət bu vəsaitin 3 milyardını fövqəladə vəziyyət rejiminin hesabına çıxara bilər.
Jurnalistlərin məlumatına görə, nəin ki, demokratlar, hətta respublikaçılar da Trump-ın bu qərarına qarşıdırlar.
Bu divara görə fikir ayrılığı ötən il dekabrın sonlarından başlayaraq hökumətin 35 gün bağlanması ilə nəticələndi ki, bu ABŞ-ın tarixində ən uzun belə böhran oldu.
Amma sonradan ölkə büdcəsi divara vəsait ayrılmadan razılaşdırıldı və hökumət açıldı.
Demokratlar divara çəkilən xərci məsrəfçilik hesab edirlər.