Erməni İnqilabi Federasiyası və ya Daşnaksutyun Patiyası bəyan edib ki, hakimiyyət koalisiyasını rəsmən tərk edir.
Hazırda Yerevanda hakim Respublikaçı Partiyanın hakimiyyətdən getməsini tələb edən etirazlar yeni vüsət alıb.
Daşnaksutyun aprelin 25-də verdiyi bəyanatda bildirir ki, “hazırkı vəziyyəti nəzərə alaraq siyasi koalisiyadakı fəaliyyətini dayandırır”.
Bəyanatda qeyd olunur ki, parlamnet “xalqın etimadına malik” baş nazir seçməlidir.
Dahşnaktsutyun parlamentdə cəmi 7 mandata malikdir. Bu isə o demıəkdir ki, 105 yerlik parlamentdə 58 mandatı olan Respublikaçı Partiya onlarsız da mütləq çoxluğa malikdir.
Lakin Yerevanm küçələrində etirazların səngiməməsi RP-nin hakimiyyətdə qalmasının perspektivlərini azaldır.
Aprelin 25-də müxalifətçi millət vəkili və etirazların lideri Nikol Paşinyan hakim partiyanın üzvü, baş nazir əvəzi Karen Karapetyanla nəzərdə tutulan danışıqlar ləğv olunduqdan sonra tərəfdarlarını etirazları davam etdirməyə çağırıb.
Etirazçıların böyük əksəriyyəti hakim partiyanın bütünlüklə hakimiyyətdən getməsini istəyir.
