Keçid linkləri

Təcili xəbərlər
2019, 13 Noyabr, çərşənbə, Bakı vaxtı 21:57

Daha bir cəbhəçinin həbs cəzası artırıldı


AXCP Gənclər Komitəsinin həbsdə olan üzvü Nicat Nizamovun cəzası artırılıb. Oktyabrın 29-da Bakı Apellyasiya Məhkəməsində hakim Qədim Babayev qərar çıxarıb.

Bu qərar Suraxanı Rayon Polis İdarəsinin rəisi Namiq Həsənovun apellyasiya şikayəti əsasında verilib. Polis rəisi şikayətində yazıb ki, Suraxanı Rayon Məhkəməsinin 15 oktyabrda Namiq Nizamova təyin etdiyi 15 günlük inzibati həbs cəzası yüngül cəzadır və sərtləşdirilməlidir.

Namiq Nizamov isə bildirib ki, bu şikayətin əsl səbəbi Milli Şuranın 2 noyabra təyin etdiyi mitinqdir. Onun sözlərinə görə, 15 günlük cəzası oktyabrın 30-da (sabah-red.) başa çatacaqdı:

"Məqsəd mənim mitinqdə iştirakıma imkan verməməkdir".

Vəkili Cavad Cavadov bildirib ki, polis rəisinin məhkəmənin verdiyi cəzaya qarışmaq səlahiyyəti yoxdur:

"Sağ olsunlar, bizi təəccübləndirməyi bacardılar. Bu məhkəmədən yarım saat əvvəl elə bu binadakı başqa zalda Nicat Nizamovun üzv olduğu partiyanın daha bir funksionerilə bağlı oxşar şikayətə baxıldı və cəzası artırıldı. Tələsik məhkəmənin təyin olunması, iş vaxtı başa çatsa da, prosesin keçirilməsi göstərir ki, bunlar təsadüf deyil".

Namiq Nizamov İnzibati Xətalar Məcəlləsinin 535.1 (polisin qanuni tələbinə tabe olmama) maddəsilə təqsirli bilinib.

Cavad Cavadov AzadlıqRadiosuna bildirib ki, bu məsələ ilə əlaqədar Avropa Məhkəməsinə şikayət göndəriləcək.

Oktyabrın 29-da Bakı Apellyasiya Məhkəməsində AXCP sədrinin müavini Seymur Həzinin də cəzası dəyişdirilib və 15 gündən 30 günə çatdırılıb.

Şərhlər

Günün bütün mövzuları

XS
SM
MD
LG