Keçid linkləri

2024, 19 Mart, çərşənbə axşamı, Bakı vaxtı 11:35

Çində peyda olan yeni virus ABŞ-a da çatıb


Çinin Vuhan şəhəri, 10 yanvar, 2020
Çinin Vuhan şəhəri, 10 yanvar, 2020

Çində peyda olan yeni korona virusu ABŞ-a da çatıb.

Bu barədə “New York Times” qəzeti xəbər verir.

Bu virusa yoluxan qadın, ötən həftə Çindən ABŞ-ın Sietl (Seattle) şəhərinə uçub.

O, pnevmoniya diaqnozu ilə xəstəxanaya götürülüb və analizlər, bunun Çində yeni peyda olan korona virusi olduğunu göstərib.

ABŞ-ın nəzarət və profilaktika mərkəzi yaxın günlərdə yeni yoluxma hallarını istisna eləmir.

Artıq ölkənin bir sıra hava limanlarında, Çindən gələn sərnişinlərin müayinəsinə başlanıb, onların hərarəti yoxlanır.

Rəsmi məlumata görə, Çində bu virusdan ölənlərin sayı 6 nəfərə çatıb, təxminən 300 nəfər bu virusa yoluxub.

Çində yeni virusdan ölənlərin sayı 6-a çatıb
Gözlə

No media source currently available

0:00 0:01:37 0:00

Amma “The Guardian” xəstələrin və ölənlərin yaxınları, habelə beynəlxalq ekspertlərə istinadla yazır ki, ölü sayı bundan çox ola bilər.

Pnevmoniya xəstəliyi törədən bu virus ötən ilin dekabrında Vuhan şəhərində peyda olub.

Yoluxma hallarının əksəriyyəti Vuhanda, bir neçəsi isə Pekin, Şanxay və Quandun əyalətində qeydı alınıb.

Virus Çindən kənara da çıxıb, Cənubi Koreya,Yaponiya və Taylandda da yoluxma halları aşkar edilib.

Azərbaycanın səhiyyə nazirliyi Çinə səfər edən turistlər və iş adamlarına ehtiyatlı olmağı tövsiyə edib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG