Keçid linkləri

Təcili xəbərlər
2020, 29 Oktyabr, Cümə axşamı, Bakı vaxtı 12:15

Çin ABŞ-la danışıqları təxirə salıb


Foto arxiv

Çin hakimiyyəti ABŞ müdafiə naziri James Mattislə oktyabra planlaşdırılan görüşü təxirə salıb.

Bu barədə Reuters agentliyi yüksək səlahiyyətli ABŞ rəsmisinə istinadla xəbər verir.

Agentlik yazır ki, Pekin bundan bir neçə gün əvvəl, iki ölkə arasında yaranan gərginliklə bağlı narahatlığa əsas olmadığını bildirib.

Amma təhlükəsizlik məsələlərinə həsr olunmalı olan həmin görüşün məhz nəyə görə təxirə salınması bəlli deyil.

Son vaxtlar Pekinlə Vaşinqton arasında xeyli mübahisəli məsələlər yaranıb.

Vaşinqton Çin mallarına 250 milyon dollarlıq rüsum tətbiq edib.

ABŞ bu yaxınlarda Rusiyadan silah aldığına görə Çinə qarşı sanksiya tətbiq edib.

Bundan başqa ABŞ gəmiləri daima Pekinin özününkü saydığı mübahisəli adalara yaxınlaşır.

Çin rəhbərliyi ötən həftə bəyan edib ki,Pekin ABŞ-ın iqtisadi məqsədlərlə onu “şantaj” etməsi və ya “təzyiq” göstərməsinə imkan verməyəcək.

Buna da bax:ABŞ-la Çin tarifləri artırır.

ABŞ prezidenti Donald Trump isə ötən həftə Pekini, Respublikaçılar-ın Konqresdə çoxluq qazana bilməməsi və bununla Trump-ın ticarət siyasətini dayandırmaq məqsədlilə parlament seçkisinə qarşımağa cəhddə günahlandırıb.

Amma Trump buna sübutlar göstərə bilməyib.

Pekin ittihamı rədd edir.

XS
SM
MD
LG