Keçid linkləri

2024, 19 Mart, çərşənbə axşamı, Bakı vaxtı 10:55

Cavusoglu: Trump deyib ki, Vaşinqton Fetullah Gülenin "verilməsi" üzərində işləyir


Mevlut Cavusoglu
Mevlut Cavusoglu

Türkiyənin xarici işlər naziri Mevlut Cavusoglu deyir ki, ABŞ prezidenti Donald Trump türkiyəli həmkarı Racep Tayyip Erdogana deyib ki, Vaşinqton türkiyəli ilahiyatçı Fetullah Gülenin “ekstradasiyası üzərində işləyir”.

Bu barədə Reuters agentliyi məlumat yayıb.

Cavusoglunun dekabrın 16-da verdiyi açıqlamaya görə, Trump bunu Erdogana, Böyük 20-lər ölkələrinin Argentina sammiti çərçivəsində deyib.

Amma Ağ ev,ABŞ Dövlət Departamenti və ABŞ-ın Ədliyyə nazirliyi hələlik Cavusoglunun bu bəyanatını təsdiqləməyiblər.

Qeyd edək ki, Türkiyə hakimiyyəti Fətullah Güleni 2016-cı ildə Türkiyədə törədilən uğursuz çevriliş cəhdinin təşkilində ittiham edir və Vaşinqtondan onun verilməsini istəyir.

Amma ABŞ hakimiyyəti dəfələrlə bəyan edib ki, Türkiyə tərəfi bununla bağlı tutarlı sübutlar göstərə bilməyib.

Erdoganın keçmiş müttəfiqi olan Fətullah Gülen də bütün ittihamları rədd edir.

Qeyd edək ki, ABŞ prezidenti Donald Trump bu ilin noyabrında bildirmişdi ki, Vaşinqton Fətullah Gülenin Türkiyəyə verilməsi məsələsinə baxmır.

Erdogansa ötən həftə bildirib ki, Türkiyə Gülen tərəfdarlarının maliyyələşdirilməsi yönündə xaricdə yeni təşəbbüsə başlayacaq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG