Keçid linkləri

2024, 19 Mart, çərşənbə axşamı, Bakı vaxtı 15:33

Cənubi Koreya məktəbləri yenidən bağlamalı olur


Cənubi Koreya ölkədə koronavirusa yoluxmaların sıçrayışlı artımına görə yüzlərlə məktəbi, muzeyi və incəsənət qalereyalarını yenidən bağlamağa məcbur olub.

Sky News saytı yazır ki, bu ölkədə son üç gündə COVID-19-a 177 yeni yoluxma qeydə alınıb.

Bu, koronavirus epidemiyası ilə mübarizədə ən uğurlu ölkə kimi təbliğ edilən Cənubi Koreyanın indiyədək əldə etdiyi nailiyyətləri heçə endirə bilər.

Mayın 29-da Cənubi Koreyanın paytaxtı Seul regionunda 58 yeni yoluxma qeydə alınıb.

Bundan bir gün əvvəl ölkədə son 50 gün ərzində ilk dəfə olaraq böyük yoluxma sıçrayışı qeydə alınmışdı.

Mayın 28-də daha 79 nəfərin koronavirusa yoluxduğu xəbər verilirdi.

İnternet ticarəti anbarları təhlükəyə çevrilir

Rəsmilər paytaxt yaxınlığındakı nəhəng internet ticarəti anbarından qaynaqlandığı düşünülən yoluxmaların qarşısını almağa çalışırlar.

Bütün Cənubi Koreya boyunca karantin məhdudiyyətləri mayın 6-da qaldırılmışdı, lakin hökumət paytaxt regionunda yoluxma sayının artması ilə əlaqədar bir sıra ictimai məkanları – parkları, muzeyləri və teatrları yenidən bağlayıb.

Artıq indiyədək açılmış 250-dən çox məktəbin yenidən bağlanmasına göstəriş verilib. Eyni zamanda karantin dövründə kompüter oyunları zallarının bağlanması barədə qərar qəbul edilib.

Səhiyyə naziri Park Neung-hoo deyib ki, bugündən etibarən qarşıdan gələn iki həftə epidemiyanın cilovlanmasında həlledici rol oynamalıdır.

Şagirdlər qoruyucu şüşə arxasında nahar edirlər
Şagirdlər qoruyucu şüşə arxasında nahar edirlər

O paytaxt bölgəsi sakinlərini qeyri-zəruri toplantılardan çəkinməyə, şirkətləri isə xəstə işçilərini evdə saxlamağa çağırıb.

Koreya Xəstəliklərə Nəzarət və Profilaktika Mərkəzinin son məlumatına görə bugünədək ölkədə koronavirusa 11,402 yoluxma və 269 ölüm faktı qeydə alınıb.

Baş nazir Chung Sye-kyun rəsmilərə karantin zamanında evlərə müxtəlif mallar daşıyan internet ticarəti anbarlarının yoxlanmasını tapşırıb.

Karantin günlərində internetlə alış-veriş çoxaldığından indi belə anbarlar infeksiya mənbəyinə çevrilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG