Keçid linkləri

2024, 19 Mart, çərşənbə axşamı, Bakı vaxtı 14:01

Ukraynaya 3, 9 milyard dollarlıq beynəlxalq yardım krediti təsdiq olundu


Ukrayna prezidenti Petro Poroshenko (solda) və BVF-in direktoru Christine Lagarde (Foto arxivdəndir)
Ukrayna prezidenti Petro Poroshenko (solda) və BVF-in direktoru Christine Lagarde (Foto arxivdəndir)

Beynəlxalq Valyuta Fondu (BVF) Ukrayna üçün 3, 9 milyard dollarlıq yardım kreditini təsdiq edib. Siyasi təhlilçilər bunu prezident Petro Poroshenko üçün gələn il keçiriləcək prezident seçkisindən əvvəl “kiçik qələbə” hesab etdiklərini bildirirlər.

BVF-in dekabrın 18-də elan edilmiş qərarına görə bu vəsaitin 1, 4 milyard dollarlıq ilk tranşı artıq dekabrın 25-dək veriləcək. Bundan sonra gələn ilin may və noyabr aylarında daha iki trans ediləcək.

BVF-in yardımı Ukraynada islahatların ləng həyata keçirilməsi və korrupsiyanın hələ də yüksək qalan səviyyəsi ilə bağlı ötən aprel ayından dondurulmuşdu.

BVF-in qərarı barədə danışan Poroshenko deyib ki, “dünyanın aparıcı maliyyə təsisatlarından gələn belə qərarlar bizim stabilliyimizi möhkəmlədir və Ukraynanın daxili və xarici çətinliklərlə çarpışmasında onun müqavimətini gücləndirir”.

BVF-in maliyyə yardımı Ukraynaya kreditlər üzrə gələn ilin ödənişlərini etməkdə köməklik göstərəcək.

Bu qərar həm də Avropa İttifaqı və başqa xarici donorları da Ukrayanaya yardım göstərməyə ürəkləndirəcək.

Poroshenko 2019-cu il, martın 31-də keçiriləck prezident seçkisindən əvvəl aparılan rəy sorğularına görə digər rəqiblərindən geridə qalır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG