Keçid linkləri

2024, 28 Mart, Cümə axşamı, Bakı vaxtı 22:21

Şotlandiya yenə də Britaniyadan ayrılmaq istəyir


Şotlandiyanın birinci naziri Nicola Sturgeon
Şotlandiyanın birinci naziri Nicola Sturgeon

Şotlandiyanın birinci naziri Nicola Sturgeon bəyan edib ki, təkrar müstəqillik referendumunun keçirilməsi üçün regional parlamentin icazəsini alacaq.

O bu qərarını onunla izah edib ki, şotlandların əksəriyyəti Brexit-in əleyhinədir və Britaniya ilə birlikdə Avropa İttifaqını tərk etmək istəmir.

Mövcud qanunlara görə Britaniya hökumətinə referendum keçirmək barədə müraciətdən əvvəl xanım Sturgeon Şotlandiya parlamentinin razılığını almalıdır.

Nicola Sturgeon deyib ki, yeni referendumu 2018-ci ilin payızı ilə 2019-cu ilin yazı arasında keçirmək istərdi.

Şotlandiyada Britaniyanın Avropa İttifaqındakı üzvlüyünə son qoyan referendumun nəticəsi ilə razı deyillər. Şotlandların 62 faizi 2016-cı ilin iyununda keçirilmiş referendumda Britaniyanın Avropa İttifaqının tərkibində qalmasına səs verib.

Ötən sentyabrın əvvəllərində Sturgeon bildirmişdi ki, Şotlandiya hökuməti ikinci müstəqillik referendumunun keçirilməsi üçün lazımi qanunvercilik bazasını hazırlamaqdadır.

2014-cü ilin sentyabrında Şotlandiyada keçirilmiş müstəqllik referendumunda şotlandların 55, 3 faizi Britaniya krallığının tərkibində qalmağa səs vermişdi.

Nicola Sturgeon iddia edir ki, Britaniyanın Avropa İttifaqından çıxmaq qərarı ilə əlaqədar şotlandlar öz təhlükəsizliklərini təmin etməlidirlər.

Şotlandiyanın birinci naziri deyib ki, şotlandların öz gələcəklərini müəyyən etmək hüququ var.

Yeni referendumun keçirilməsi şərtlərini Şotlandiya parlamenti elan etməlidir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG