Keçid linkləri

Təcili xəbərlər
2021, 25 Yanvar, Bazar ertəsi, Bakı vaxtı 12:22

Bridget Brink Sivil Toplum-la da görüşüb


Bridget Brink

Azərbaycanda səfərdə olan ABŞ Dövlət Katibinin Avropa və Avrasiya məsələləri üzrə müşavirinin müavini xanım Bridget Brink noyabrın 22-də Sivil Toplum Platformasının (STP) üzvləri ilə görüşüb.

Bu haqda görüşdə iştirak edən STP üzvlərindən Akif Qurbanov məlumat verib.

Onun bildirdiyinə görə, Bridget Brinklə görüşdə ölkədəki ictimai-siyasi vəziyyət, sentyabrın 26-da keçirilmiş referendumun nəticələri , vətəndaş cəmiyyətinin hüquqi və praktik durumu əsas müzakirə mövzusu olub.

Buna da bax:​ Bridget Brink müxalifətlə görüşdü

Görüşdə ABŞ-ın Azərbaycandakı səfiri Robert Sekuta və səfirliyin digər əməkdaşları da iştirak ediblər.

ABŞ Dövlət katibinin Avropa və Avrasiya məsələləri üzrə müşavirinin müavini noyabrın 22-də prezident İlham Əliyev, xarici işlər naziri Elmar Məmmədyarov və Azərbaycan müxalifətinin təmsilçiləri ilə də görüşüb.

Xanım Bridget Brink noyabrın 21-dən 22-nə keçən gecə Azərbaycana gəlib.

Buna da bax: Azərbaycan Qarabağ problemində ABŞ-ın səylərini artırmasını istəyir

Sivil Toplum Platformasını müstəqil vətəndaş cəmiyyəti institutlarının nümayəndələri demokratik islahatların təşviqi məqsədi ilə yaradıblar. Qurumda QHT rəhbərləri, hüquqşünaslar, jurnalistlər və iqtisadçılar təmsil olunur.

XS
SM
MD
LG