Keçid linkləri

2024, 29 Mart, Cümə, Bakı vaxtı 11:17

Medvedev: “Boru kəmərlərindən neft və qaz oğurlanır”


Rusiya baş naziri Dmitry Medvedev
Rusiya baş naziri Dmitry Medvedev

Şimali Qafqazda boru kəmərlərindən neft və qaz oğurlanır. Bunu Rusiyanın baş naziri Dmitry Medvedeev bu həftənin 5-ci günü deyib .

Rusiya DİN-in məlumatına görə, “2015-ci ilin yanvarından yerli neft və qaz borularında az qala 100 deşik aşkar edilib. Baş nazir Şimali Qafqaz federal dairəsinin sosial-iqtisadi inkişadı komissiyasının iclasında bildirib ki, bu cinayətdə Stavrapol vilayətinin, İnquşetiya, Dağıstan, Kabardino-Balkariya, Şimali Osetiya və Çeçenistan “liderlik” edir.

“Mümkün deyil ki, durub əl-qolunu yelləyə-yelləyə magistral kəmərə yaxınlaşasan”

Medvedevin sözlərinə görə, yerli neft boru kəmərlərindən qanunsuz neft götürülməsi yalnız hakimiyyət və energetika kampaniyalarının razılığı ilə mümkün ola bilər.

Baş nazir hesab edir ki, bu sövdələşmədə hakimiyyət təmsilçiləri və bələdiyyələr, energetika kampaniyalarının vilayətdəki rəhbərləri iştirak edir: “Əks-halda bu mümkün ola bilməzdi”, o vurğulayıb. “Mümkün deyil ki, durub əl-qolunu yelləyə-yelləyə magistral kəmərə yaxınlaşasan”, Medvedev vurğulayıb.

“Onsuz da itkilər var”

Medvedev qeyd edib ki, Şimali Qafqaz "onsuz da nəql zamanı köhnəlmiş kəmərlərin və enerji resurslarının qeydə alınmaması səbəbindən qaz və elektrik itkilərinə görə əziyyət çəkir". Lakin, onun sözlərinə görə, "bu itkilərə çox vaxt həm də özbaşına qoşulma və müdaxilələr nəticəsində oğurluqlar da əlavə olunur". Əgər Rusiyada özbaşına qoşulmaların qarşısı sayğacların quraşdırılması nəticəsində alınırsa, "Qafazda vəziyyət həddindən artıq pisdir", deyə baş nazir bildirib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG