Keçid linkləri

Təcili xəbərlər
2018, 23 İyul, Bazar ertəsi, Bakı vaxtı 04:19

Biləsuvarlılar daha pambıq yığmaq istəmirlər


Biləsuvarda pambıq yığımı. 2016-cı il

“Yolumuzu kəsirlər, sahəyə getdiyimiz yerdə bizi maşınla geri qaytarırlar, sürücünü də hədələyirlər ki, qayıtmasa, polisə aparacaqlar. Bizi zorla pambıq sahələrinə aparırlar, deyirlər, yığmalısız, vəssalam. Söz demirik, yığarıq, ancaq gündəlik 6-7 manata yox... Üstəlik də, keçən il yığdığımız pambığın pulunu hələ də bizə ödəməyiblər”.

Biləsuvarın Xırmandalı kənd sakini Sadəgül Sayılova deyir, rayonda hamı “pambığın zibilinə düşüb”. İcra hakimiyyətinin işçiləri kənardakı başqa əkin sahələrinə işləməyə gedənləri zorla pambıq sahələrinə yönləndirir. Bu da adamlarda narazılıq yaradır:

Buna da bax: Nazirlik: 'Sovet dövrü deyil ki... onları məcbur edən yoxdur, özləri gedirlər'

“GÜNDƏLİK 12-13 MANAT ALIRIQ”

“Keçən il icra hakimiyyətinin təklifiylə şəxsən özüm qızlardan ibarət bir briqada yaratdım, getdik sahəyə, pambıq toplamağa... Tonlarla pambığı bizdən qəbul etmiş pambıq zavodları pulumuzu vermədi. Üstəlik də ortada müqavilə- filan yox... Ancaq biz başqa sahədə kartof yığırıq, gündəlik 12-13 manat alırıq, evə gedəndə də kartofumuzu aparırıq. Hələ sahibkarla müqaviləmiz də var. Bax, buna deyərəm, iş... Yoxsa ki, camaatı yığ tök sahəyə, işlət, yola sal, pulunu da vermə... Hələ üstəlik, qarşısında tələb də qoy ki, ‘kənara işləməyə getmək qadağandır, mütləq pambıq yığmalısız’. Təzyiqli, xəstə adamam, bir çətən külfət əlimə baxır, niyə havayı işləməliyəm ki...”

Sadəgül xanım deyir, ötən il özüylə pambıq yığımına apardığı adamlar indi onunla kartof yığımına gedir deyə, icra hakimiyyəti qəzəblənib:

Buna da bax:​ 'Xəstəxana işçilərinin hamısını pambıq yığımına aparıblar'

“Keçən ildən polisdəyik, sahə müvəkillərinin qapısındayıq. Qızlar yığdıqları pambığın pulunu almaq üçün polisə şikayət edirlər. Polis də deyir, ‘gedin verin məhkəməyə’. Pullarını ala bilməyən adamların yanında üzüqara qalmışam. İndi gətirmişəm ki, heç olmasa, burdan çörəkpulu qazansınlar. Hər gün sahəyə gəldiyimiz maşının qarşısını kəsib bizdən pambıq sahəsinə getməyimizi tələb edirlər”.

“PAMBIQ YIĞIMI KÖNÜLLÜDÜR”

Biləsuvar rayon icra hakimiyyətindənsə "Qaynar xətt"ə bildirilib ki, pambıq yığımı könüllüdür: "Boş-boş danışırlar, heç kəsi zorla sahəyə aparan yoxdur. Pambıq əkini rayondakı işsizliyin aradan qaldırılmasına da müsbət təsir edib. Hər şey normaldır. Pulunu ala bilməyən gəlsin müraciət eləsin, araşdıraq. Elə şey mümkün deyil".

Buna da bax:​ Zərdabda pambıq yığmayan işsiz qalacaq

Qurumdan pambıq sahəsində çalışanlarla hər hansı müqavilənin bağlanmasına dair sual cavabsız qalıb.

Hüquqşünas Namizəd Səfərov deyir, əgər kəndlilər pambıq yığımına müqaviləsiz cəlb olunursa, burada qanun pozuntusu var: "Belə hallar əmək hüquqlarının pozulması, vergidən yayınma hesab olunur".

Siz də şikayətinizi buradan göndərə bilərsiz

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG