Noyabrın 12-də Bakı və Abşeron yarımadasında yağış yağacağı gözlənir. Arabir güclənən şimal-qərb küləyinin əsəcəyi, günün ikinci yarısında mülayim şimal-şərq küləyi ilə əvəz olunacağı ehtimal edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Bakıda və Abşeronda gecə 8-10, gündüz 12-15 dərəcə isti proqnozlaşdırılır.
Noyabrın 12-də ölkənin bölgələrində də yağış yağacağı təxmin edilir. Dağlıq və dağətəyi rayonlarında sulu qar yağacağı ehtimalı var.
Gecə 0-10, gündüz 7-17 dərəcə isti, dağlarda gecə 3 dərəcə şaxtadan, 2 dərəcəyə kimi isti, gündüz 2-7 dərəcə isti proqnozlaşdırılır.