Keçid linkləri

Təcili xəbərlər
2018, 20 Avqust, Bazar ertəsi, Bakı vaxtı 02:50

'Şor sudur, olan budur'


Kanal

«Suyu açıb buraxdıq sahəyə, əkinimiz yandı, tələf oldu. Şor sudur, deyirlər, «olan budur, istəyirsən suvar, istəyirsən suvarma...»».

Beyləqanın Birinci Aşıqlı kəndinin sakinləri AzadlıqRadiosuna danışırlar ki, əkin sahələrini suvarmağa su tapmırlar. Daha doğrusu, verilən su şordur deyə, sahəni suvarandan sonra əkin tələf olur.

«MƏHSUL GÖTÜRƏ BİLMİRİK»

Kənd sakini Bəhruz Güləliyevin hektarlarla sahədə əkdiyi kələm və kartof beləcə, ələ gəlməyib: «Borcla, xərclə kələm, kartof əkdik, şor sudan başqa su yoxdur deyə, məcbur qalıb onunla suvardıq, heç nə əmələ gəlmədi. Buğdası, qarğıdalısı, başqa məhsulu yananlar da oldu. Son illər nə əkiriksə, yanır. Məhsul götürə bilmirik. Səbəb də suyun şor olmasıdır».

Ancaq bu kənddə əvvəllər su problemi yox imiş. Kənddə əməlli-başlı su təsərrüfatı yaradılıbmış. Əsasən də Sovet vaxtı sudan korluq olmayıb. Ancaq son illər kənd əməlli-başlı şirin su böhranı yaşayır. Əkinçi sözünə davam edir: «İllərdir ki, arxlar təmizlənmir. Bu işi görməli olan qurumlar əllərini əllərinin üstünə qoyub heç bir iş görmürlər. Hamısı dövlətdən maaş alır, kəndin su təsərrüfatına cavabdehdirlər. Ancaq məsuliyyətlərini dərk etmirlər. Nə vaxt da üstlərinə gedərsən, deyərlər, «o texnika çatışmır, bu texnika çatışmır»... Bəs bu çatışmayan texnikalar hara yoxa çıxıb?».

«SUPULUNU ÖDƏ»

Kənd sakini İsmayıl Ağaxanov «Qaynar xətt»ə danışır ki, əkin sahəsi üçün suvarmaya yararsız hesab olunan şor suya görə sakinlərdən hər ay, azı, 20 manat ödəniş tələb olunur: «Suyu veririk sahəyə, əkin məhv olur. Ayın sonu da gəlirlər ki, «supulunu ödə». Özləri bizə zərəri ödəməkdən, bizdən pul tələb edirlər».

Sakinlər Bakıya qədər yazıblar. Onlar hökumətdən həm əkin sahələrinin suvarılmasını, həm də kəndin içməli su tələbatını ödəyən su təsərrüfatının yenidən qurulmasını istəyirlər.

«HAZIRDA BELƏ BİR İMKAN YOXDUR»

Beyləqan rayon İcra Hakimiyyətindən AzadlıqRadiosuna bildirilib ki, Birinci Aşıqlıdakı su problemi Sovet dağılandan mövcuddur: «Sakinlərin müraciətləri və tələbləri əsaslıdır. Ancaq kənddəki əsas su mənbəyi hesab olunan kanalın işlək vəziyyətə gətirilməsi pul tələb edən işdir. Hazırda belə bir imkan yoxdur. Bu məsələ diqqətdədir. Ancaq hazırda suvarmada istifadə olunan su heç də sakinlərin dedikləri dərəcədə yararsız deyil. Suvarmada istifadə edirlər, hələ şikayət eşitməmişik».

Suvarmada işlənən suyun haqqına gəlincə, qurumdan bildirilib ki, əkinçilər 1 hektara görə 7 manat ödəyirlər ki, bu da tam qanunidir.

Siz də şikayətinizi buradan göndərə bilərsiz

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG