Keçid linkləri

2024, 19 Mart, çərşənbə axşamı, Bakı vaxtı 13:09

İsrailin baş naziri: ‘İran bütün qırmızı xətləri keçib’


Naftali Bennet
Naftali Bennet

Naftali Bennet bəyan edib ki, İsrail Tehranın nüvə silahı əldə etməsinə “imkan verməyəcək”

BMT Baş Assambleyasında ilk çıxışında İsrailin baş naziri Naftali Bennet deyib ki, İran özünün nüvə proqramında bütün “qırmızı xətləri” keçib.

Bennet bəyan edib ki, İsrail Tehranın nüvə silahı əldə etməsinə “imkan verməyəcək”.

Sentyabrın 27-də BMT-nin Nyu Yorkdakı qərargahında çıxış edən İsrail baş naziri onilliklərdir davam edən Fələstin münaqişəsinin adını çəkməyib, əvəzində İranın qlobal təhlükəsizliyə hədə olduğunu vurğulayıb.

Bennet deyib ki, İran son illərdə nüvə istehsalı həcmlərini və uranın zənginləşdirilməsi dərəcəsini “sıçrayışlı şəkildə” artırıb:

“İranın nüvə silahı proqramı kritik nöqtəyə çatıb və o bütün qırmızı xətləri keçib”.

Benyamin Netanyahunun 12 illik baş nazirliyinə son qoymuş Naftali Bennet sağ təmayüllü siyasətçidir.

O ABŞ prezidenti Co Baydenin İrana münasibətdə mövqeyinin sərtləşdirilməsinə çalışır.

“Sentrifuqları sözlə dayandırmaq mümkün deyil”

Bennet habelə ABŞ-ın yeni administrasiyasının 2015-ci il nüvə sazişinin dirçəldilməsi siyasətindən narazıdır.

ABŞ-ı sözü gedən sazişdən 2018-ci ildə keçmiş prezident Donald Tramp çıxarıb.

ABŞ-ın bu razılaşmadan çıxması ilə Tehranın üzərinə əzici iqtisadi sanksiyalar bərpa olunub.

Öz nüvə proqramının dinc səciyyə daşımasında israr edən İran Trampın addımına cavab olaraq tədricən saziş üzrə öhdəliklərindən geri çəkilib və nüvə fəaliyyətini gücləndirib.

Vyanada dolayısı ilə ABŞ və İran arasında keçirilən danışıqlar 6-cı dövrədən sonra, ötən iyunda mühafizəkar İbrahim Rəisinin prezident seçilməsi ilə dayanıb.

İranın xarici işlər naziri Hüseyn Əmir-Abdullahian sentyabrın 24-də Baş Assambleyanın əsnasında bildirmişdi ki, Tehran “çox tezliklə” nüvə danışıqlarına qayıdacaq.

ABŞ rəsmiləri bu kimi bəyanatlara inamsız və şübhə ilə yanaşmağa başlayıblar.

Bennet bildirib ki, İranın məqsədi “nüvə çətirinin altında” bütün Yaxın Şərqdə ağalığa nail olmaqdır:

“Sentrifuqları sözlə dayandırmaq mümkün deyil”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG