İlham Əliyev: "Yoxlamalar, lisenziyalar azaldılmalıdır"
İlham Əliyev oktyabrın 12-də 9 ayın yekunlarına həsr olunan hökümət iclasında ölkədə maliyyə intizamının gücləndirilməsinin, izafi xərclərə yol verilməməsinin vacibliyini vurğulayıb və bildirib ki, prioritet təşkil etməyən layihələrə vəsaitin ayrılması dayandırılmalı, büdcə xərclərinin strukturuna yenidən baxılmalı və büdcə vəsaiti qənaətlə işlədilməlidir. Bundan əlavə, sahibkarlar vergiləri vaxtında ödəməli, onların qarşısında əsassız ödəmələrlə bağlı tələb qoyulmamalıdır. Korrupsiya ilə mübarizə hallarının daha da gücləndirilməsinin, bu sahədə sistem xarakterli islahatların davam etidirilməsinin, “ASAN xidmət”in fəaliyyətinin genişləndirilməsinin zəruri olduğunu deyən prezident İlham Əliyev korrupsiya və rüşvətxorluğa qarşı mübarizədə ictimai nəzarətin də gücləndirilməsinin əhəmiyyətindən danışdı. Dövlət başçısı deyib ki, ölkədə dayanıqlı inkişafın təmin olunması üçün bundan sonra da sahibkarlığın inkişafı diqqət mərkəzində saxlanılmalı, xarici sərmayələr daha çox qeyri-neft sektoruna cəlb olunmalı, biznes mühiti yaxşılaşdırılmalı, yoxlamaların tənzimləmə mexanizmləri hazırlanmalı, yoxlamaların və lisenziyaların sayı kəskin şəkildə aşağı salınmalıdır.
Iqtisadiyyat üzrə Nobel mükafatı verildi
2015-ci il iqtisadiyyat üzrə Nobel mükafatı amerikalı iqtisadçı Angus Deatona verilib.
Nobel komitəsinin məlumatına görə, o bu mükafata qeyri-bərabərlik, kasıblıq problemi, təlabat və əhalinin rifahı sahəsindəki işinə görə layiq görülüb.
9 aya 87 min yeni iş yeri, bəs adamlar niyə işsizlikdən şikayətlənir?
Azərbaycan prezidenti İlham Əliyev 9 ayın nəticələrinə həsr olunan hökümət iclasında dedi ki, 9 ayda 87 min yeni iş yeri yaradılıb. Azərbaycanda hökümət mütəmadi olaraq yeni iş yerlərinin yardılmasından, özü də kifayət qədər çox, yeni iş yerlərinin yaradılmasından danışır, eyni vaxtda adamlar şikayətlənir ki, iş yoxdur, işsizdirlər. Bu ziddiyyət nədən yaranır?
İqtisadçı ekspert Qadir İbahimli deyir ki, yeni iş yerləri adətən infrastruktur layihələrində, məsələn, yol, körpü tikintisində yaradılır, yəni, körpü tikintisi başa çatan kimi həmin adam iş yerini itirir. Yəni bu iş yerlərinin bir çoxu daimi deyil.
Bəs Azərbaycan prezidenti dedi ki, 87 min yeni iş yerindən 67 mini daimidir? Qadir İbrahimli deyir ki, bir çox yerlərdə ikili mühasibat var. İndi onları məcbur edirlər ki, işçilərini leqallaşdırsınlar. Yeni işçilərin, iş yerlərinin artması faktiki işləyənlərin leqallaşdırılması sayəsində baş verir. Bu baxımdan yeni iş yerləri o qədər də çox deyil.
Bəs belə getsə, gələn il nə olacaq? Dövlət investisiyalarının azalması o deməkdirmi ki, yeni iş yerləri azalacaq? İşsizlik artacaq? Qadir İbrahimlinin fikrincə, özəl sektora mane olunmasa, özəl sektoir kifayət qədər yeni iş yeri yarada bilər.
Bu günki Azadlıqlİve-da :
İlham Əliyev deyir ki, lisenziyalar, yoxlamalar azaldılmalıdır
9 aya 87 min yeni iş yeri, bəs insanlar niyə işsizlikdən şikayətlənir?
Əkrəm Həsənov: Bu bankın özündən kredit götürən hakim necə öbyektiv ola bilər?
Məşhur satirik Levent Kırca öldü