DİN: Aynar Məmmədova məxsus kafedə mərc oyunlarına qarşı əməliyyat keçirib
APA-nın məlumatında deyilir ki, Daxili İşlər Nazirliyi (DİN) deputat Elton Məmmədovun oğlu Aynar Məmmədova məxsus olduğu iddia edilən “Nar Cafe”-də əməliyyat keçirilməsi barədə məlumatlara münasibət bildirib.
Nazirliyin mətbuat xidmətinin şöbə rəisi Orxan Mansurzadə APA-nın sorğusuna cavabında adıçəkilən kafedə polis tərəfindən əməliyyat keçirildiyini təsdiqləyib. Bildirib ki, həqiqətən də daxil olmuş məlumat əsasında polis əməkdaşları tərəfindən oktyabrın 11-də "Nar" kafesində qanunsuz mərc oyunlarına qarşı mübarizə üzrə tədbir keçirilib. Bu zaman 8 nəfər saxlanılıb, onlar barəsində inzibati qaydada protokol tərtib olunaraq cərimə olunmaları üçün məhkəməyə göndərilib.
İpoteka güzəştlərindən kimlər yararlana bilir?
İpoteka kreditlərində güzəştlərdən yararlananlar arasında elmi dərəcəsi olanlar , 2015-ci ilin ilk yarısına olan məlumata görə, 2 faizdir. Ən çox istifadə edən hərbi qulluqçulardır:
Hərbi qulluqçu – 79.5 %
Dövlət qulluqçusu – 8.6%
Məcburi köçkün – 8 %
Elmlər namizədi – 2.1 %
İdmançı – 1.5%
Şəhid ailəsi – 0.3 % Ətraflı
Türkiyənin məşhur satiriki, aktyoru, rejissoru Levent Kırca vəfat edib
“Anadolu” agentliyinin məlumatına görə, 67 yaşlı aktyor uzun müddət qara ciyər xərçəngindən əziyyət çəkirdi.
L. Kırca 1948-ci ildə Samsunda dünyaya gəlmişdi. 1964-cü ildə Ankara Dövlət Teatrında səhnə həyatına başlayıb. Məşhur satirikin “Olacak o kadar" televiziya proqramı 22 il efirdən düşməyib.
90-cı illərin "Olacak o kadar"-ından bir səhnə
Əkrəm Həsənov: Hakim Nikoil bankdan 50 min kredit götürüb, necə obyektiv ola bilər?
Oktyabrın 12-də Yasamal rayon məhkəməsində “Nikoil Bank”ın hüquqşünas, iqtisadçı Əkrəm Həsənova qarşı iddiası üzrə məhkəmə prosesi başlayıb.
Bank Əkrəm Həsənovdan və Aznews.az portalından 35000 manat tələb edir.
Bank iddia edir ki, Əkrəm Həsənov avqustun 24-də Facebookda “Əmanətimi hansı banka qoyum?” adlı paylaşımında işgüzar nüfuzunu ləkələyərək, ona zərər vurub. “Nikoil Bank” iddia edir ki, yazı nəticəsində əmanətçilər əmanətlərini çıxarmağa başlayıb. Əmanətlərin çıxarılması indi də davam edir.
Bu günkü prosesdə Əkrəm Həsənov bildirib ki, prosesə sədrlik edən hakim Zəfər Quliyev “Nikoil Bank”dan 50 min manat məbləğində ipoteka kredutu götürüb, buna görə də işi obyektiv apara bilməz. Hakim isə deyib ki, bu onun qərəzli olacağına əsas vermir. Bankın nümayəndəsi də bildirib ki, bankdan kredit almaq istənilən şəxsin hüququdur. Əkrəm Həsənov isə deyib ki, bir şəxsin digərinə borcu varsa, ondan necə obyektivli gözləmək olar? “Həm də Xətai rayon məhkəməsində baxılmalı iş məqsədli şəkildə Yasamal rayon məhkəməsində bu hakimə düşüb”.
Bundan sonra hakim məhkəməni təxirə salıb.