Bu gün, iyulun 2-də Azərbaycan Ordusu genişmiqyaslı təlimlərə başlayıb.
Müdafiə Nazirliyi-nin məlumatına görə, müxtəlif qoşun növlərinin, qismlərinin, birlik və birləşmələrinin iştirakı ilə düzənlənən təlimlər ölkə başçısının təsdiq etdiyi plana əsasən, keçirilir.
Nazirlik bildirir ki, təlimlərə 20 min nəfərədək şəxsi heyət, 120-dək tank, digər zirehli texnika, 200-dən artıq müxtəlif çaplı raket və artilleriya qurğusu cəlb edilib.
Müxtəlif tapşırıqların yerinə yetirildiyi təlimlərin iyulun 6-dək davam edəcəyi bildirilir.