Noyabrın 12-si Azərbaycanda Konstitusiya günüdür. Azərbaycanın Konstitusiyası 1995-ci il noyabrın 12-də referendum yolu ilə qəbul edilib.
Dövlətin əsas qanunu 1995-ci il noyabrın 27-dən qüvvəyə minib. Artıq 21 ildir Azərbaycan noyabrın 12-ni Konstitusiya günü kimi qeyd edir.
Azərbaycan müstəqillik əldə etdikdən sonra yeni Konstitusiyanın hazırlanması zərurəti yarandı. O zamankı dövlət başçısı Heydər Əliyevin rəhbərliyi ilə 1994-cü ildə xüsusi komissiya yaradıldı, Konstitusiya layihəsi ümumxalq müzakirəsinə çıxarıldı. 1995-ci il noyabrın 12-də isə qəbul olundu.
Müstəqil Azərbaycanın dövlət quruculuğunun əsasını təşkil edən ilk Konstitusiya 5 bölmə, 12 fəsil, 158 maddədən ibarətdir.
2002-ci, 2009-cu və 2016-cı illərdə referendum yolu ilə üç dəfə Konstitusiyaya əlavə və dəyişikliklər edilib.