Kreditə görə özünü yandırdı
Neftçala rayon 4 saylı məktəbin təsərrüfat işləri üzrə direktor müavini, 63 yaşlı Alik Novruzov yanvarın 7-də özünü yandırıb. Buna səbəb onun kredit borclarını ödəyə bilməməsi olub.
İş yoldaşlarının AzadlıqRadiosuna verdiyi məlumata görə, hadisə məktəbin qazanxanasında baş verib. Onun köməyinə də məktəbin işçiləri gəlib. Alik Novruzov hazırda xəstəxanadadır.
«Biz sonradan bildik ki, onun banklara kreditləri olub. Bu haqda istintaqa ifadə verəndə bilmişik. Hazırda onun vəziyyəti kafidir», - məktəbin işçilərindən biri telefon söhbətində belə deyib.
Azərbaycanda siqaret niyə belə çox bahalanır?
Ötən il dekabrın 21-i Azərbaycanda devalvasiyanın ilk günü siqaretlərin qiyməti birdən-birə təqribən 50 faiz bahalaşdı. Üst-üstə Azərbaycanda siqaretlərin qiyməti son bir ildə 80 faizdən çox bahalaşıb. Bu vəziyyət ilk andaca insanda belə bir sual doğurur. Bəs görəsən, Azərbaycanda tütün istehsal edilmir?
Statistik rəqəmlər son dövrlər Azərbaycanda tütün istehsalının ildən-ilə azaldığını, bu sahədə idxalın artdığını göstərir. Üstəlik yerli siqaretlərin də istehsalı dayanmağa başlayıb.
İran Səudiyyə Ərəbistanını Yəməndəki səfirliyini qəsdən vurmaqda ittiham edib
İran dövlət televiziya kanallarının məlumatına görə, raket zərbəsi nəticəsində səfirliyin mühavizəçilərindən bir neçəsi yaralanıb.
İran xarici işlər nazirliyinin sözçüsü Hossein Jaber Ansari bildirib ki, səfirliyin binasına dəymiş ziyan və əməkdaşlarının yaralanmasına görə Səudiyyə Ərəbistanı cavabdehlik daşıyır.
Səudiyyə Ərəbistanın rəhbərlik etdiyi hərbi koalisiyanın sözçüsü Ahmed AsseriReutersə müsahibəsində İranın iddiasının araşdırılacağını deyib.
Azərbaycanlıların müttəfiq hesab etdiyi 5 dövlət
“Atlas” Araşdırmalar Mərkəzi 2015-ci ilin sonunda “xarici siyasət və təhlükəsizlik” mövzusunda sorğu keçirib. Yanvarın 7-də sorğunun nəticələrini açıqlayan Mərkəzin rəhbəri Elxan Şahinoğlu AzadlıqRadiosuna müsahibəsində həm də Dağlıq Qarabağ münaqişəsi ilə bağlı bu ilin gözləntilərindən söz açıb.
– Elxan bəy, əvvəlcə sorğunun nəticələrinə nəzər salaq. 500 respondent arasında keçirilən sorğuda hansı suallar qoyulmuşdu və cavablar necə olub?
– Respondentlərdən soruşmuşduq ki, “Hansı dövlətlər Azərbaycanın müttəfiqidir?” Sorğuya cavab verən respondentlərin əksəriyyəti 5 dövlətin adını çəkiblər: Türkiyə, Pakistan, Gürcüstan, Səudiyyə Ərəbistanı və ABŞ. “Dağlıq Qarabağda müharibə başlayarsa, hansı dövlət Azərbaycana hərbi dəstək verəcək” sualına respondentlərin 82 faizi Türkiyənin adını çəkiblər, sonrakı yerlərdə Pakistan (10%) və Səudiyyə Ərəbistanı (8) gəlir.