Avtobusdan "ev"
İsmayılovlar ailəsi 2 ildir avtobusu özlərinə ev edib, orda yaşayırlar. 6 nəfərlik ailə bir neçə kvadrat metrə sağınıb. Ailə başçısı dəzgahda işləyən vaxt barmaqlarını kəsib. Əlilik statusu ala bilmir, sosial yardıma müraciətləri isə nəticəsiz qalıb.
Gündə 3 milyon manat faiz ödənir
Ölkə əhalisi təkcə 2016-cı ilin ilk 2 ayında kreditlərə görə banklara 155 milyon manat ödəyib.
Marja-nın Dövlət Statistika Komitəsinə istinad olunan xəbərinə görə, bu göstərici banklara hər gün orta hesabla 3 milyon manata yaxın faiz ödənilməsi deməkdir.
Yerevanda aksiya zorla dağıdılıb
Bu gün Yerevanın Mashtots prospektində etiiraz aksiyasının 14 iştirakçısı zorla polis idarəsinə gətirilib. Azadlıq Radiosunun erməni xidmətinin məlumatına görə, polis "Yeni Ermənistan" hərəkatından olan tutulanlara qarşı zor işlədib. Ruzanna Egnukian adlı qadın baş zədəsi alıb, xəstəxanaya aparılıb. Nümayişçilər bu hərəkatdan olan fəal Gevorg Safarianın həbsinə etiraz edirlər. O, polisə qarşı zorakılıq işlətməkdə günahkar bilinib.
Body-art (bədən rəsmləri) festivalı
Qazaxıstanın Almatı şəhərində 4-cü Body-art Festivalı keçirilib. Bu dəfə yerli rəssamlarla yanaşı festivala ukraynalı və qırğız rəssamlar da qatılıblar.
![Bədən rəsmləri. Body-art festivalından [Fotolar]](https://gdb.rferl.org/e5c9fa19-e0c8-49e5-8d80-ceea14d87ced_cx0_cy5_cw0_w250_r1_s.jpg)