Keçid linkləri

2024, 19 Mart, çərşənbə axşamı, Bakı vaxtı 07:00

XİN Milli Məclis sədrini təkzib edir


Brüsseldə Avropa Komissiyasının Baş qərargahı
Brüsseldə Avropa Komissiyasının Baş qərargahı

Azərbaycanla Avropa İttifaqı arasında bu il mayın 13-də saziş imzalanması nəzərdə tutulmayıb.

Bunu “ Turan” agentliyinə Azərbaycan Xarici İşlər Nazirliyi (XİN) mətbuat xidmətinin katibi Leyla Abdullayeva bildirib.

“Azərbaycanla Avropa İttifaqı arasında tərəfdaşlıq münasibətlərinin hüquqi əsasını təşkil edəcək saziş üzrə danışıqlar hələ ki, davam etdirilir", - mətbuat xidmətinin rəbhbəri əlavə edib.

***

Bundan əvvəl verilən xəbərlərdə deyilirdi ki, Avropa İttifaqı (Aİ) ilə sazişin bu il mayında imzalanacağı gözlənir.

«Report»un xəbərinə görə, bunu bu gün, aprelin 23-də Milli Məclisin iclasında spiker Oqtay Əsədov deyib.

«Saziş layihəsində Dağlıq Qarabağ ərazisi Azərbaycanın ərazisi kimi qeyd olunub, biz buna nail olmuşuq. Texniki məsələlər qalıb ki, onlar da həll edilir», - deyə o qeyd edib.

O.Əsədovun deməsinə görə, Ermənistan tərəfi bu sazişə əngəl olmağa çalışır: «Saziş yüksək səviyyədə hazırlanıb. Onun bu il may ayının 13-də imzalanması nəzərdə tutulur. Bu, Azərbaycan xalqının xeyrinə olacaq».

Qarabağ münaqişəsi 1988-ci ildə Ermənistanın Azərbaycana ərazi iddiaları ilə bağlı yaranıb. 1994-cü ildə tərəflər arasında imzalanan atəşkəs müqaviləsinə qədər Azərbaycanın Dağlıq Qarabağ bölgəsi və ona bitişik 7 rayon işğal edilib. Bu münaqişə ilə bağlı tənzimlənmə prosesini ATƏT-in Minsk qrupu aparır. ABŞ, Rusiya və Fransa qrupun həmsədrləridir.

Xatırlatma

Azərbaycan Avropa İttifaqı (Aİ) ilə əsası 2009-cu ildə qoyulan «Şərq Tərəfdaşlığı» proqramı çərçivəsində əməkdaşlıq edir. Şərq Tərəfdaşlığı Aİ-nin altı qonşu ölkəsini əhatə edir. Bura Azərbaycan, Gürcüstan, Moldova, Ukrayna, Belarus və Ermənistan daxildir. Bu ölkələrdən Gürcüstan, Moldova və Ukrayna qurumla assosiasiya sazişi imzalayıb.

2017-ci ilin noyabrında isə qurumla Ermənistan arasında tərəfdaşlıq sazişi imzalanıb. Azərbaycanla da belə sazişin imzalanması ilə bağlı danışıqlar 2017-ci ilin əvvəlindən başlayıb. Ancaq, hələlik, tərəflər arasında tərəfdaşlıq sazişi imzalanmayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG