Keçid linkləri

2017, 17 Avqust, Cümə axşamı, Bakı vaxtı 01:34

Ayaz Mütəllibovun keçmiş mətbuat katibi saxlanıb


Ayaz Mütəllibov

Sabiq prezident Ayaz Mütəllibovun Moskvada mətbuat katibi işləmiş Teylor İbrahimovun (Fətişoğlu) saxlandığı bildirilir.

«Trend» bu xəbəri Ağdam Rayon Polis Şöbəsinə istinadən yayıb.

Xəbərdə qeyd edilir ki, T.İbrahimov avqustun 9-da Ağdam rayonunda saxlanıb. Onun artıq Bakının Nərimanov Rayon Polis İdarəsinə təhvil verildiyi açıqlanıb.

T.İbrahimov dələduzluqda ittiham olunaraq axtarışa verilmişdi. Onun barəsində CM-nin 178.3.2-ci (dələduzluq-külli miqdarda törədildikdə) maddəsi üzrə cinayət işi başlanıb.

Ancaq ittihamlara T.İbrahimovun və onun vəkillərinin münasibəti, hələlik, açıqlanmır.

Ayaz Mütəllibov 1990-cı il oktyabrın 8-dən 1992-ci il martın 5-nə kimi Azərbaycanın prezidenti olub. 1990-cı il yanvar faciəsindən sonra o, Azərbaycan SSR Mərkəzi Komitəsinin birinci katibi təyin edilmişdi.

1992-ci ilin mayında Ayaz Mütəllibov hakimiyyətə bir günlük qayıdışdan sonra Moskvaya mühacirət etmişdi. O, 2011-ci ildə «Eks-prezident status haqqında» qanunun qəbulu ilə Azərbaycana qayıdıb.

Günün bütün mövzuları

XS
SM
MD
LG