Keçid linkləri

2024, 29 Mart, Cümə, Bakı vaxtı 00:40

Aslan İsmayılova islah işləri verildi


Aslan İsmayılov
Aslan İsmayılov

Səbayel Rayon Məhkəməsi hüquqşunas Aslan İsmayılovu Cinayət Məcəlləsinin 147.2-ci (ağır cinayətdə ittiham etməklə böhtan atma) maddəsi ilə cəzalandırıb. İş adamı, “Xəmsə” şadlıq sarayının sahibi Mürvət Həsənovun hüquqşunasa qarşı tələbləri qismən təmin edilib.

Mürvət Həsənov ilə “Emre Piliç – Qida Sənaye və Ticarət Limited” şirkətinin rəhbəri Ömür Oral arasında yaşanan maliyyə qalmaqalında ikinci şəxsin vəkili Aslan İsmayılovdur. Mürvət Həsənov iddia edirdi ki, hüquqşünas Facebook sosial şəbəkəsində ona “dələduz” deyib.

Bu gün, iyulun 31-də Səbayel Rayon Məhkəməsində iş adamının iddiası üzrə sonuncu məhkəmə iclası keçirilib.

Hakim Azər Tağıyevin məhkəmə istintaqının yekunlaşdığını elan etməsinə Aslan İsmayılov etiraz etsə də, onun etirazı qəbul edilməyib. Tərəflər son söz deyiblər.

Aslan İsmayilov 1 il 6 ay islah işlərinə məhkum edildi
Gözlə

No media source currently available

0:00 0:01:17 0:00

İş adamı Mürvət Həsənov hakimdən xahiş edib ki, Aslan İsmayılov məhkəmə zalında həbs edilsin.

Aslan İsmayılov isə ona qarşı irəli sürülən ittihamı rədd edib.

Məhkəmə qısa müşavirədən sonra qərarı elan edib. Qərara əsasən, Aslan İsmayılov 1 il 6 ay müddətinə islah işlərinə məhkum edilib. Həmçinin, onun qazancından 15 faiz dövlət nəfinə tutulmalı və o 1500 manat cərimə ödəməlidir.

Aslan İsmayilov məhkəmədən sonra bildirib ki, hökmdən apellyasiya şikayəti verəcək.

“Bu mənim ictimai fəaliyyətimlə bağlı hökumətin təqibidir. ”, deyə o qeyd edib.

Amma iş adamı, “Xəmsə” şadlıq sarayının sahibi Mürvət Həsənovun hökümə münasibətini, hələlik, almaq mümkün olmayıb.

Xatırlatma

İş adamı Mürvət Həsənovla “Emre Piliç – Qida Sənaye və Ticarət Limited” şirkətinin rəhbəri Ömür Oral arasında borc qalmaqalı baş verib. Ömür Oralın vəkili Aslan İsmayılov olub.

Mürvət Həsənov məhkəmədə iddia edib ki, Aslan İsmayılov "Facebook” səhifəsində, mediaya açıqlamalarında onun ünvanına böhtan məzmunlu ifadələr işlədib.

O, hüquqşunasın böhtana görə həbs edilməsini istəyirdi. Aslan İsmayilov isə qarşı tərfin iddialarını əsassız sayırdı.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG